朱總女兒任全國政協

【明報專訊】中國大陸唔少金融界專才，喺政壇上都舉足輕重。噚日《人民網》就報道，中國前總理朱鎔基千金、中銀香港（2388）助理總裁朱燕來，就啱啱被增補成為全國政協委員。噚日嘅增補名單之中，仲見到早前完成上市大計嘅農業銀行（1288）副行長潘功勝、兩個月前卸任國資委主任嘅李榮融。

新政協潘功勝為工行農行上市

事實上，今次獲增補成為全國政協委員嘅金融界人士，可謂粒粒巨星。朱燕來13年前加入中國銀行（3988），2001年10月香港嘅中銀集團重組後，擔任中銀香港嘅開發規劃部總經理，今年5月擢升為助理總裁，領導集團整體戰略，亦都為人民幣業務擔大旗。

潘功勝先後推動大陸2間大型銀行——工行（1398）同農行嘅股改同A、H股上市，為中國銀行業嘅改革立下唔少汗馬功勞。李榮融喺2003年至今年8月期間擔任國資委主任。