按證問答比賽 答啱有金送

【明報專訊】以前送金做禮物只有老人家鍾意，後生細仔嫌老套。不過家金價長升長有，大家收金都特別開心。按揭證券公司搞咗個問答比賽，得獎人仲可以有半盎司重、價值差不多6000蚊嘅金幣，睇嚟個比賽會爭崩頭喎！

按證11月1號至14號會有個網上問答比賽，題目18題咁大把，全部都係關於按揭保險計劃嘅，只要熟讀佢網頁嘅資料就會識答。

小琴記得2008年金管局都有個類似問答比賽，當時嘅禮物係香港紙幣製成嘅小禮物，相比之下，按證今次好大手筆喎！

好多小市民買樓「上車」，都係靠按證嘅按保計劃，幫手畀七成以上嘅保費。不過8月按證停止接受九成按揭以上嘅貸款申請，就傷咗不少想上車嘅市民心喇！今次答啱問題送金幣，唔知可唔可以安慰一下大家呢？不過名額得10個，答啱最多嘅人會以抽獎方式定結果。