京港機場簽紙 合作有晒「名分」

【明報專訊】機管局同首都國際機場（0694）簽訂諒解備忘錄，結為姊妹機場，加強合作伙伴關係。機管局過往已經同好多內地機場合作，今次同首都國際機場做姊妹機場，又有乜唔同呢？機管局中人話，今次可以話係「有名有分」合作。

京奧時 機管局曾作支援

機管局的管理模式，獲得國際認同，唔少內地機場樂意合作，例如：杭州蕭山國際機場，機管局佔35％股份，蕭山機場仲引入本港管理模式；機管局又負責珠海機場營運，期限為20年，同時跟上海虹橋機場合營公司，管理虹橋機場，呢啲都係比較具體嘅合作模式。至於首都國際機場，早喺2002年，機管局就同佢哋合作，例如：北京奧運時，就支援佢哋管理人流同第三客運站。不過，大家一直冇具體嘅合作關係，今次成為姊妹後，日後就多啲交流。