新聞類別
財經
詳情#
【明報專訊】近期連日跌市，唔少網民開始討論，係咪亞視播緊嗰套由鄭少秋主演嘅《書劍恩仇錄》開始發功，「秋官效應」重現呢？不過，會計界對無綫嘅新劇《刑警》就更加敏感，點解？知唔係個套劇個名「唔多老黎」囉！
同盈警同音 會計界怕怕
《刑警》雖然無秋官呢個熊市鬼見愁主演，亦唔係講股票，擔正嘅兩位男角苗僑偉和黃日華，以往都係「紀錄良好」，無對股市帶來任何威脅，之但係，小琴有會計界嘅友好話，《刑警》同股市行內術語「盈利警告」簡稱「盈警」，讀音一樣，日日聽住，都咪話唔驚喎！
呢套劇11月1日開始播出，有30集咁長，睇嚟，聽到心驚驚嘅《刑警》節目預告，仲有排嘆！至於係咪真係會繼承到秋官的威力，真係要拭目以待。
回應 (0)
