匯豐保險守住「一哥」位置

【明報專訊】小琴近排收多咗保險公司推廣業務嘅電話，睇吓月曆，仲有30日，呢一年就完結，打工仔梗係要落力追數，做埋年尾啦。保險業競爭大，長駐「一哥」位置嘅匯豐保險，今年首季畀中銀追上。不過呢兩季都發力追番上嚟，穩坐「冧巴溫」。

根據保險業監理處，匯豐保險首3季嘅新做人壽保險業務，市場佔有率19.3%，收入同期增長40.9％。恒生保險排第6，市場佔有率7.7％，兩者合共佔整體市場27％。

中銀緊貼匯豐，排名第2；今年上市嘅保誠（2378）同友邦（1299），表現叮噹馬頭，喺五甲之內，分別排第3及第5。整個業界嚟睇，首3季新做長期業務（不包括退休計劃業務）嘅保單保費，跟去年同期比較，顯著上升25.1%至424億元，保險業都有望過肥年喎。