新聞類別
財經
詳情#
【蘋果日報】
貿易戰真的開打，早兩星期那架運大豆的貨船Peak Pegasus，雖然以超速前進大半日，最後都係遲到，無啦啦要交多幾千萬元關稅。你可能會話，明知中午12點係deadline，點解隻船唔早啲出發？事後mode睇當然你啱，但大家應該都清楚，這個世界心存僥倖博過骨的人着實不少，至於最後係過骨定係中伏，就睇造化。
做交易係一門藝術，相信很難歸納一套必勝心法，大佬，話明係必勝的，仲使乜同你分享吖，但青冰在fb上仍然看到很多廣告，甚麼期指日日賺大法，不過近期有世界盃，見得比較多的都係足球大師廣告，日日都贏幾皮，其實都不用等到世界盃先發達呀，正常球季在周末都有幾十場賽事，相信真係數錢都數到手軟。
唔知各位戰友有冇為自己的每個交易做記錄，青冰自己就有喇，一個excel睇晒過去十多年的戰績。這就像幫自己做了詳細的身體檢查，究竟邊度出毛病，之後要點做，列得相當清楚。現在好多人都着重健康，唔做運動唔做身體檢查的，應該只佔少數，既然係咁，投資路上，行多一步，面對真實的自己，肯定有益無害。
當你見到那些有血有汗的數字，無論賺蝕，應該都可以幫助自己進步，點解這隻會輸三成？點解那個月買入的全部輸錢？這股半年累積升了三倍，點解自己只係贏一千蚊就走咗？這些殘酷的事實，不是每個人都想面對，但只要理性的重溫一下，再中伏的機會自然大減。啊，這股出業績前已經唔對路，想止蝕但冇決心，最後咪輸三成囉；那個月全部輸錢，皆因較早時隻隻贏，心雄了所以專家唱乜就跟買。在市場打滾，是心存僥倖博大霧，還是真有決心求進步，心態最終會決定你的結局。
青冰
http://fb.com/chingbing888
本欄逢周四刊出
青冰
貿易戰真的開打，早兩星期那架運大豆的貨船Peak Pegasus，雖然以超速前進大半日，最後都係遲到，無啦啦要交多幾千萬元關稅。你可能會話，明知中午12點係deadline，點解隻船唔早啲出發？事後mode睇當然你啱，但大家應該都清楚，這個世界心存僥倖博過骨的人着實不少，至於最後係過骨定係中伏，就睇造化。
做交易係一門藝術，相信很難歸納一套必勝心法，大佬，話明係必勝的，仲使乜同你分享吖，但青冰在fb上仍然看到很多廣告，甚麼期指日日賺大法，不過近期有世界盃，見得比較多的都係足球大師廣告，日日都贏幾皮，其實都不用等到世界盃先發達呀，正常球季在周末都有幾十場賽事，相信真係數錢都數到手軟。
唔知各位戰友有冇為自己的每個交易做記錄，青冰自己就有喇，一個excel睇晒過去十多年的戰績。這就像幫自己做了詳細的身體檢查，究竟邊度出毛病，之後要點做，列得相當清楚。現在好多人都着重健康，唔做運動唔做身體檢查的，應該只佔少數，既然係咁，投資路上，行多一步，面對真實的自己，肯定有益無害。
當你見到那些有血有汗的數字，無論賺蝕，應該都可以幫助自己進步，點解這隻會輸三成？點解那個月買入的全部輸錢？這股半年累積升了三倍，點解自己只係贏一千蚊就走咗？這些殘酷的事實，不是每個人都想面對，但只要理性的重溫一下，再中伏的機會自然大減。啊，這股出業績前已經唔對路，想止蝕但冇決心，最後咪輸三成囉；那個月全部輸錢，皆因較早時隻隻贏，心雄了所以專家唱乜就跟買。在市場打滾，是心存僥倖博大霧，還是真有決心求進步，心態最終會決定你的結局。
青冰
http://fb.com/chingbing888
本欄逢周四刊出
青冰
留言 (0)
