財經名人　涉誤導人買Bitcoin礦機　受害者投資逾6萬　「每日挖得幾蚊」

【蘋果日報】一批港人出席比特幣（Bitcoin）相關分享會後，疑被知名講者誤導下簽訂投資協議書，每人涉及金額最少約6萬多港元，部份受害人昨報警求助。被指誤導受害人的財經界名人潘啟才卻稱：「我自己都買咗過百部，一齊輸緊。」
記者：李雨夢
5名受害人日前向《蘋果》控訴，指去年12月出席「騙局式回報分享會之Bitcoin礦機」分享會，主講者潘啟才與袁曉桐（筆名驍騰原）在會上推介放置於四川的「螞蟻礦機S9」時，涉隱瞞礦機的不利因素，如挖到比特幣的難度會隨時間上升。其中受害人Charlyne（化名）憶述，兩名講者明言礦機每天平均收益約245人民幣（約288港元），回本期約4個月。
潘啟才：我都買咗過百部
受害人Pandora（化名）續指，分享會後，有職員即場提供與Fifth Elements Limited的投資協議書，「佢（講者）喺個會上營造一機難求嘅氣氛，當時真係好多人信任佢，即場排隊簽合約，但就完全冇講解過份合約」。Pandora稱本身是袁曉桐投資班學生，當初簽約投資礦機是基於對講者的信任，不虞有詐。
上述礦機每部索價3萬多港元，最低消費購買兩部。據了解，約50人即場買機，有人買了5部。Charlyne又指，回報與講者所指的相距甚遠，「2月先開機，第一日已經得50幾蚊收益，到依家得番每日幾蚊」，過去半年回報合共只有約3,000港元。該批礦機又曾於3月及6月因停電而兩次熄機，始有機主察覺不妥。
潘啟才回覆《蘋果》稱上述合約屬期貨合約，遇上比特幣今年大幅貶值，「同埋市場突然湧現嘅大量礦機，變相每個人挖到嘅機會都減少咗，我自己都買咗過百部，一齊輸緊」。袁曉桐則聲稱在分享會上曾說明投資礦機的難度及風險，「唔會冇講，比特幣價格跌唔係我控制到」。
香港資訊科技商會榮譽會長方保僑指，礦機涉及複雜運算程式，一般市民不易理解，「投資礦機係要計數，一定要有好好嘅認知先，唔好人哋叫你挖就挖，同埋一部礦機運作得好唔好係同所有嘅電腦配件有關」。