戰後洋樓將拆保育界指見證華人歷史網民搶救灣仔60年大閘

【蘋果日報】由太古地產持有的灣仔寶華大廈，去年11月獲批准強制拍賣，現時無人居住，地面商舖早已搬離，只剩一名管理員看守。這幢擁有60年歷史的戰後洋樓拆卸在即，近日有市民和街坊擔心大廈正門綠色大閘的去留問題，有保育人士指大閘見證灣仔區發展，希望能保存，網上更掀起搶救大閘行動，太古地產表示正研究如何保留大閘。
記者：梁嘉麗
「戰後呢區填海，電車路就喺大廈嘅後方，大閘上除咗寫咗大廈名，仲有街名同街號，起咗路牌作用。呢區以前叫下環，戰前喺中、上環居住嘅係洋人或者有錢華人，喺下環居住嘅就係較為基層嘅華人。」全民保育行動發起人袁智仁如數家珍的訴說着寶華大廈大閘外的香港掌故。他指戰後落成於灣仔皇后大道東的寶華大廈屬於較為有錢華人的住宅，「灣仔喺戰後開始發展，所以開始有呢種高檔住宅出現，附近嘅藍屋就相對基層」。
人手製造　或曾翻新
說回這道相信是人手打造的鐵閘，建築設計師何尚衡解釋，上世紀50年代未有電腦中文字體，所以鐵閘或招牌上的中文字必定是人手寫上，「可以話每個鐵閘都係獨一無二，係師傅嘅工藝，當時冇工廠生產，由造閘至寫字都係全人手，鐵閘嘅價值就在於師傅手藝」。不過他亦提出疑問，鐵閘看起來簇新，應曾復修和重新髹油，不知原本是否綠色。
在灣仔鬧市中，這種鐵閘非常少見，不少舊樓在過去20年新添保安設備，如對講機、電子鐵閘等，舊式鐵閘早已被換走，袁智仁指「同類可能要喺九龍塘私人大宅或豪宅先會見到，例如李小龍故居，單一業權嘅，多數會保存美觀嘅大閘」。袁指香港保育一向偏頗，文物保育大部份都是收藏古畫、古物，但寶華大廈這種具有歷史質感的古物卻不在保育之列。
「街招streetsignhk」facebook專頁版主Kevin和Ken亦表示有興趣為大閘作中間人，願與太古地產洽商，為大閘尋求一個最好的保育方式，「我哋唔希望大閘變成博物館內展品，招牌、鐵閘都影響城市嘅質感。鐵閘喺重建後，或者可以回收成為新建築物嘅一部份」。
Kevin指因為二人都是建築師，所以特別留意街道上的招牌、鐵閘，他們認為最佳的文物保育方法是把古物留在街道上，與新建築物和城市融為一體。
太古地產發言人回覆本報查詢時指一向重視推動文化保育，太古現時計劃發展一幅位於皇后大道東、蘭杜街和晏頓街交界處的用地，項目處於初步規劃階段，「我們亦留意到灣仔寶華大廈入口的一道鐵閘甚具紀念價值，亦了解公眾對該大門鐵閘的關注，並將積極研究以不同方式保留有關鐵閘」。