新聞類別
港聞
詳情#
【蘋果日報】老一輩人到米舖「糴米」，老闆拿着一張報紙或電話簿，摺成倒金字塔形，隨便買幾両米倒入，用水草紮成糭狀便打包帶走，想不到現今香港仍有人經營的超市堅守昔日辦館風情，拆裝逐斤零售，保留舊物上架，只因銘記基層巿民買少不買多的習慣，欲留住昔日鄰里間互相關顧的美好，他便是在港打拼70多年，由一個地攤成就食品批發王國的「糧油大王」李廣林。
80多歲的港九罐頭洋酒伙食行商會副理事長李廣林，經營批發食材生意起家，亦在中環、銅鑼灣區擁有全棟大廈收租，身家以10億元計，誰會想到，在香港淪陷時期，他只是一個跟着父親在街頭擺地攤的窮小孩。
廣林叔出生於肇慶，3、4歲隨父親由廣州來港賣餅，一年多後日軍佔領香港，封鎖全港糧倉，禁止港元流通，港人被迫改用軍票買糧，限購糧食，造成物價飛漲。「嗰陣每斤米由2蚊升到200蚊，仲要每人每日限買六両四白米，後來減量至三両二，仲溝埋沙同米殼，一碗飯都無，梗係唔夠食。有啲人抵唔住餓去西環糧倉偷米，俾日軍發現就喺碼頭槍斃掟落海」。他見過屍體堆滿街，「日軍夜晚戒嚴放軍犬出嚟巡邏，啲屍體根本唔知咬死定餓死……全港學生由戰前11萬人跌到得番戰後和平3,000人，就知有幾慘烈」。
＂舊時啲米好矜貴，跌咗梗會執返。＂
父子落難時，還是要想盡辦法生存，靈機一觸從大戶人家收購儲糧，再走到中環皇后戲院、娛樂戲院門口做小販擺地攤轉售，靠一塊餅一口糧捱過最艱難歲月。
1945年8月15日，日本投降，香港重光回歸港英政府統治，不時有英國水兵乘軍艦來港，加上中上環地區乃當年商業集中地，華洋雜處，廣林叔萌生開辦館念頭。「英兵一落嚟列一個清單，要蔬菜、洋酒、罐頭水果、豬肉、掃帚都包辦埋，於是喺德輔道中開第一間辦館」。生意其後越做越大，包括開設賣酒的明泰、賣糖的天泰、貨幣找換的德泰，以至開設通泰超市，成為香港第一代華資超市始祖，生意由零售擴展至批發。
全盛期的通泰行批發500種食品，他還是忘不了一口飯，當年政府嚴限白米進口商數量，他幾經爭取才獲發牌成為進口商，再批發給各大米行，一來貨便是數以十擔計，他會從南方進口優質絲苗米供港：「舊時啲米好矜貴，跌咗梗會執返，有時車搬完米會沿路漏低米碎，我哋會搵人掃地執起『地腳米』，用筲箕篩走沙石，賣畀生豬做飼料。」可謂粒米不錯過。
雖然節儉，但不等如不近人情，跟隨廣林叔打天下的員工，大都是一同奮鬥多年的老員工，夥計形容老闆「從無鬧過我，無老細架子，幾十年都坐埋一齊食午飯」。廣林叔巡舖還會向員工拍膊頭開玩笑稱：「你至係老闆，我哋唔係，靠你幫手睇住啦，好拍檔，哈哈！」
＂舊式超市無幾多間，我哋希望有傳承。＂
兒子李豐年（Kennth）稱，父親70年代起實行超市管理模式，但處處留人情味，以賣米為例，上一代買手及賣手做到80多歲才退休，「除非佢哋唔想做，我哋會一直留佢做到老」。又指父親過往在超市捉過不少小偷，只會嚴懲集團式犯案，對小童卻很包容。「佢話貪玩識食，朱古力要幾多錢箒，捉到細路仔就叫阿媽收返佢，畀細路仔有改過自新機會，唔好煮死人」。
連鎖超市興起，讓華資超市業務不斷萎縮，通泰超市由全盛期三間縮至一間，業務佔整體生意約一成多，繼承父業的Kennth大可當收租佬，將地舖租出牟利，但兩父子有共識，就是保留超市至最後一刻。「依家舊式超市無幾多間，我哋希望有傳承，畀後生睇到曾經有士多辦館喺香港存在過」。
通泰超市現時仍有大型超市絕迹的海鷗洗頭膏（圖）、雙妹嘜護髮油上架，以往士多化整為零的銷售手法，例如整罐梳打餅拆成小包出售，將台灣蓬萊米及泰國香米拆袋，容許顧客逐斤買或自行溝米，全部因循昔日士多顧及基層巿民的習慣，亦希望讓小型供應商，不用被大型超市以天價上架費趕絕，得以在港繼續尋找生存空間。
港故事
有些人有些事，越是美好越留不住。本土手藝、傳統行業、街頭老店，都帶給我們生活的溫度和記憶的厚度，如果你知道有這樣的故事，歡迎提供。（致電或WhatsApp63836568註明「港故事」）。
80多歲的港九罐頭洋酒伙食行商會副理事長李廣林，經營批發食材生意起家，亦在中環、銅鑼灣區擁有全棟大廈收租，身家以10億元計，誰會想到，在香港淪陷時期，他只是一個跟着父親在街頭擺地攤的窮小孩。
廣林叔出生於肇慶，3、4歲隨父親由廣州來港賣餅，一年多後日軍佔領香港，封鎖全港糧倉，禁止港元流通，港人被迫改用軍票買糧，限購糧食，造成物價飛漲。「嗰陣每斤米由2蚊升到200蚊，仲要每人每日限買六両四白米，後來減量至三両二，仲溝埋沙同米殼，一碗飯都無，梗係唔夠食。有啲人抵唔住餓去西環糧倉偷米，俾日軍發現就喺碼頭槍斃掟落海」。他見過屍體堆滿街，「日軍夜晚戒嚴放軍犬出嚟巡邏，啲屍體根本唔知咬死定餓死……全港學生由戰前11萬人跌到得番戰後和平3,000人，就知有幾慘烈」。
＂舊時啲米好矜貴，跌咗梗會執返。＂
父子落難時，還是要想盡辦法生存，靈機一觸從大戶人家收購儲糧，再走到中環皇后戲院、娛樂戲院門口做小販擺地攤轉售，靠一塊餅一口糧捱過最艱難歲月。
1945年8月15日，日本投降，香港重光回歸港英政府統治，不時有英國水兵乘軍艦來港，加上中上環地區乃當年商業集中地，華洋雜處，廣林叔萌生開辦館念頭。「英兵一落嚟列一個清單，要蔬菜、洋酒、罐頭水果、豬肉、掃帚都包辦埋，於是喺德輔道中開第一間辦館」。生意其後越做越大，包括開設賣酒的明泰、賣糖的天泰、貨幣找換的德泰，以至開設通泰超市，成為香港第一代華資超市始祖，生意由零售擴展至批發。
全盛期的通泰行批發500種食品，他還是忘不了一口飯，當年政府嚴限白米進口商數量，他幾經爭取才獲發牌成為進口商，再批發給各大米行，一來貨便是數以十擔計，他會從南方進口優質絲苗米供港：「舊時啲米好矜貴，跌咗梗會執返，有時車搬完米會沿路漏低米碎，我哋會搵人掃地執起『地腳米』，用筲箕篩走沙石，賣畀生豬做飼料。」可謂粒米不錯過。
雖然節儉，但不等如不近人情，跟隨廣林叔打天下的員工，大都是一同奮鬥多年的老員工，夥計形容老闆「從無鬧過我，無老細架子，幾十年都坐埋一齊食午飯」。廣林叔巡舖還會向員工拍膊頭開玩笑稱：「你至係老闆，我哋唔係，靠你幫手睇住啦，好拍檔，哈哈！」
＂舊式超市無幾多間，我哋希望有傳承。＂
兒子李豐年（Kennth）稱，父親70年代起實行超市管理模式，但處處留人情味，以賣米為例，上一代買手及賣手做到80多歲才退休，「除非佢哋唔想做，我哋會一直留佢做到老」。又指父親過往在超市捉過不少小偷，只會嚴懲集團式犯案，對小童卻很包容。「佢話貪玩識食，朱古力要幾多錢箒，捉到細路仔就叫阿媽收返佢，畀細路仔有改過自新機會，唔好煮死人」。
連鎖超市興起，讓華資超市業務不斷萎縮，通泰超市由全盛期三間縮至一間，業務佔整體生意約一成多，繼承父業的Kennth大可當收租佬，將地舖租出牟利，但兩父子有共識，就是保留超市至最後一刻。「依家舊式超市無幾多間，我哋希望有傳承，畀後生睇到曾經有士多辦館喺香港存在過」。
通泰超市現時仍有大型超市絕迹的海鷗洗頭膏（圖）、雙妹嘜護髮油上架，以往士多化整為零的銷售手法，例如整罐梳打餅拆成小包出售，將台灣蓬萊米及泰國香米拆袋，容許顧客逐斤買或自行溝米，全部因循昔日士多顧及基層巿民的習慣，亦希望讓小型供應商，不用被大型超市以天價上架費趕絕，得以在港繼續尋找生存空間。
港故事
有些人有些事，越是美好越留不住。本土手藝、傳統行業、街頭老店，都帶給我們生活的溫度和記憶的厚度，如果你知道有這樣的故事，歡迎提供。（致電或WhatsApp63836568註明「港故事」）。
留言 (0)
