搶舊表演者地盤　菜街大媽殺入尖嘴　嘈到商戶報警

【蘋果日報】旺角西洋菜南街行人專用區「殺街」後首個周末，菜街表演者及大媽轉移陣地到尖沙嘴碼頭繼續載歌載舞，菜街噪音問題亦轉移到尖沙嘴海旁。碼頭一帶商舖職員被擴音器傳來的大媽歌聲轟炸而叫苦連天，曾經報警求助。而海旁新舊表演者之間亦出現爭位問題。
記者：李思潁　麥志榮
尖沙嘴天星碼頭昨晚有約7檔唱歌表演，當中4檔為大媽。有表演者稱尖沙嘴碼頭比菜街環境更好，又無時間限制。現場越夜越熱鬧，大媽聞歌起舞，吸引到不少人圍觀欣賞。有檔口聲浪過大，附近表演者上前協商，希望能互相遷就。除了歌唱檔口，還有十數檔影相、占卜和繪畫等檔口。
「旺角阿Lam」用喇叭被阻
碼頭一帶商戶大暵「頂唔順」。賣袋店舖負責人蔡先生表示，唱歌攤檔經常鬥大聲，「啲客入嚟好多時都聽唔到我哋講咩」。他曾報警，「警察嚟完，佢哋又擰番大聲」。碼頭報紙檔湘姐亦直言：「好煩，旺角嗰啲過晒嚟！」大媽唱歌聲大，令她聽不到客人說甚麼，大嘆「冇辦法，我要搵食㗎」。
原在菜街表演的「旺角阿Lam」林發向警方取得「在公眾街道或道路奏玩樂器許可證」，獲准在2號碼頭對出空地奏樂，但昨日下午5時半到場後，即時被附近文化中心的10多名康文署職員包圍阻撓，禁止他使用大型喇叭。他說：「康文署職員話差佬嘅許可證無效，呢度係佢哋管嘅。」經協商後，阿Lam只用木結他，不開喇叭演唱，有20多名粉絲來捧場。他批評當局對街頭表演無統一執法標準，最終只會使執法人員與表演者更多衝突。
菜街表演者移師尖沙嘴碼頭，亦搶走舊有表演者地盤。4年前已開始在海旁表演花式足球的Ken昨晚7時到來，發現一向表演的地方已被其他表演者佔用；他曾經上前協商，希望大家能輪流表演，但最終不成功，只好待他們表演至8時離開後，才補上位置。
他認為，「兩檔一齊表演，互相鬥大聲都唔係辦法」，希望政府可以設法規管，「靠自律好難做」。
油尖旺區議員余德寶昨晚到尖沙嘴碼頭視察，他表示，人流比上星期擠迫，表演攤檔數目較多，殺街後遺症會在今個周末及周日開始浮現，相信情況會惡化。