新聞類別
財經
詳情#
【蘋果日報】大佬講數！據講中美元首相約11月，埋枱傾貿易戰。受消息刺激，港股衝高1.4%。本月係業績期，上周焦點係騰訊（700），可惜QQ撻Q；同日仲有中銀航空租賃（2588）公佈業績，中期純利增加24%，派息亦增加24%，股價連續三日破頂。
飛機租賃好搵，唔代表航空公司都咁好搵。國泰（293）前周公佈業績，雖然中期虧損收窄，但仍蝕2.63億元。期內，國泰乘客收益率為55.4仙，按年升7.6%，但比對5年前嘅66.6仙，就跌16.8%；乘客運載率則為84.2%，幾年嚟都咁上下。
近年廉航搶客，面對客源流失，對於拓展廉航，國泰開始放軟口風。不過，航空業除咗爭客，仲要應付油價波動。油價上升，對沖虧損可望減少，但燃油成本淨額則會上升。
滙豐證券日前就預期，東航（670）、南航（1055）、國航（753）受油價同滙率拖累，中期業績將會大幅倒退，兼且調低目標價。航空股迷霧籠罩，「登機」要睇清楚。喺整個航空產業鏈中，出租飛機似乎最好搵，皆因只做包租公。
中銀航空租賃係亞洲最大、全球第五大嘅飛機租賃商，阿媽係中國銀行（3988）。喺加息周期，阿媽幫到手，提供低息貸款，上半年平均債務成本為3.1%。公司自有、代管同已訂購嘅飛機合共487架，自有機隊有295架，平均機齡3年，同業中偏低；其飛機組合利用率，高達100%。
中銀航空前年上市時，資料顯示，國泰及港龍都有幫襯租飛機。彭博綜合券商預測，中銀航空今、明年分別派息每股0.304美元、0.342美元，相當於股息率4.5厘、5.1厘，係收息股之選。不過，長氣都講多句，後市未明，吼低好過高追。
割柑人
本欄逢周二刊出
飛機租賃好搵，唔代表航空公司都咁好搵。國泰（293）前周公佈業績，雖然中期虧損收窄，但仍蝕2.63億元。期內，國泰乘客收益率為55.4仙，按年升7.6%，但比對5年前嘅66.6仙，就跌16.8%；乘客運載率則為84.2%，幾年嚟都咁上下。
近年廉航搶客，面對客源流失，對於拓展廉航，國泰開始放軟口風。不過，航空業除咗爭客，仲要應付油價波動。油價上升，對沖虧損可望減少，但燃油成本淨額則會上升。
滙豐證券日前就預期，東航（670）、南航（1055）、國航（753）受油價同滙率拖累，中期業績將會大幅倒退，兼且調低目標價。航空股迷霧籠罩，「登機」要睇清楚。喺整個航空產業鏈中，出租飛機似乎最好搵，皆因只做包租公。
中銀航空租賃係亞洲最大、全球第五大嘅飛機租賃商，阿媽係中國銀行（3988）。喺加息周期，阿媽幫到手，提供低息貸款，上半年平均債務成本為3.1%。公司自有、代管同已訂購嘅飛機合共487架，自有機隊有295架，平均機齡3年，同業中偏低；其飛機組合利用率，高達100%。
中銀航空前年上市時，資料顯示，國泰及港龍都有幫襯租飛機。彭博綜合券商預測，中銀航空今、明年分別派息每股0.304美元、0.342美元，相當於股息率4.5厘、5.1厘，係收息股之選。不過，長氣都講多句，後市未明，吼低好過高追。
割柑人
本欄逢周二刊出
留言 (0)
