新聞類別
娛樂
詳情#
【蘋果日報】盧凱彤（Ellen）上月5日喺跑馬地寓所墮樓身亡，佢離世前一日為ViuTV節目《全民造星》擔任評判，前晚播出Ellen鼓勵參賽者梁業（肥仔）嘅一集。喺節目中見到嘅Ellen，表面睇嚟心情不錯，畀評語時表情多多，睇完 兩隊參賽者跳舞之後又不停話好enjoy。
節目中，龍志權嘅A2組同肥仔嘅B2組進行唱歌、跳舞對決，兩組同小肥合唱嘅《內外》就係Ellen作曲，藍奕邦作詞嘅作品。
曾被嗌豬扒
Ellen以at17入行時嘅經歷鼓勵肥仔：「我同林二汶入行嘅時候，林二汶同你嘅磅數應該差唔多，我哋曾經喺商場唱歌，下面有fans大嗌豬扒咁樣嘅，跟住我哋就話『多謝』，跟住就繼續唱，我希望你真係可以入行，做歌手、做明星，跳舞。」
其實，當晚同Ellen一齊做評判嘅仲有李幸倪（Gin Lee），Ellen睇得好投入，經常笑笑口，佢又話：「我係覺得睇得好開心嘅，我知道大家唔係想搞笑嘅，但係唱功嗰方面，其實雙方都唱得好投入，但我覺得A組嘅同學畀我感覺係純熟啲，對於自己唱緊嘅嘢係乜嘢，譬如表達情感係乜嘢，我會覺得有感覺啲。」
撰文：馮仁昭
節目中，龍志權嘅A2組同肥仔嘅B2組進行唱歌、跳舞對決，兩組同小肥合唱嘅《內外》就係Ellen作曲，藍奕邦作詞嘅作品。
曾被嗌豬扒
Ellen以at17入行時嘅經歷鼓勵肥仔：「我同林二汶入行嘅時候，林二汶同你嘅磅數應該差唔多，我哋曾經喺商場唱歌，下面有fans大嗌豬扒咁樣嘅，跟住我哋就話『多謝』，跟住就繼續唱，我希望你真係可以入行，做歌手、做明星，跳舞。」
其實，當晚同Ellen一齊做評判嘅仲有李幸倪（Gin Lee），Ellen睇得好投入，經常笑笑口，佢又話：「我係覺得睇得好開心嘅，我知道大家唔係想搞笑嘅，但係唱功嗰方面，其實雙方都唱得好投入，但我覺得A組嘅同學畀我感覺係純熟啲，對於自己唱緊嘅嘢係乜嘢，譬如表達情感係乜嘢，我會覺得有感覺啲。」
撰文：馮仁昭
回應 (0)
