陳爽仔女返學大解放

【蘋果日報】陳爽、石詠莉（Sukie）及黎明詩等前晚在灣仔會展出席時裝匯演，陳爽身為一子一女的媽媽，不過她依然緊貼潮流，她說：「就算冇時間，都可以上網買，小朋友瞓咗，就喺床度撳電話買衫。」陳爽的大仔讀K2，細女則安排了上學前班，她說：「佢哋開咗學，自己都開心，多番啲時間可以同老公撐枱腳，之前暑假58日，每日倒數，差唔多兩個月時間真係好漫長，每日要安排唔同嘅活動畀佢哋，依家有解放嘅感覺。」
剛剛演出完舞台劇的石詠莉，表示要暫時休養一下：「自己嘅情緒波幅好厲害，好容易喊，不過唔使睇醫生，以前自己一個可能會去睇心理醫生，依家有老公安慰，有任何事自己都會同老公講，因為今次做舞台劇好似測驗咁，比較大壓力，休息一排就可以。」
採訪：張俊銘
攝影：林賓尼