新聞類別
娛樂
詳情#
【蘋果日報】電影《狄仁傑之四大天王》前晚喺金鐘舉行首映，導演徐克同飾演武則天嘅劉嘉玲，連同製片施南生都有現身出席，活動上安排導演即席揮毫，寫出「四大天王」四個大字，並由嘉玲蓋印。嘉玲接受訪問時話徐克睇住佢大，每次見面都同佢做心理輔導。
出賣偉仔
講到市民喺網上瘋狂搶購劉德華演唱會門票，但買唔到嘅係佔大多數，嘉玲都係其中一分子，佢話：「劉德華你啲演唱會飛我買唔到，我依家差成30張飛，咁點算？」早前華仔喺記者會上呼籲有意做演唱會嘉賓嘅要主動聯絡佢，問嘉玲會唔會叫老公梁朝偉做嘉賓？嘉玲話：「呢啲等佢哋自己私下傾。」佢仲話：「如果我做得唔得？我唔唱歌淨係上台打招呼？如果唔得我真係要考慮出賣佢（梁朝偉）做嘉賓。」嘉玲又同徐克講：「導演你搵劉德華返嚟拍戲咪有飛囉。」
另外，戲中有一幕講述嘉玲色誘趙又廷演嘅狄仁傑，嘉玲笑住話：「嗰場戲所有嘅動作都由導演親身指導，佢教嘅肢體動作相當妖艷，你睇佢以前拍《青蛇》、《上海之夜》就知，佢平時肯定係一個活色生香嘅人。」問到兩人會唔會再有機會合作，嘉玲話：「導演有好多諗法，佢有新劇本自然就會搵我。」
撰文：馮仁昭
出賣偉仔
講到市民喺網上瘋狂搶購劉德華演唱會門票，但買唔到嘅係佔大多數，嘉玲都係其中一分子，佢話：「劉德華你啲演唱會飛我買唔到，我依家差成30張飛，咁點算？」早前華仔喺記者會上呼籲有意做演唱會嘉賓嘅要主動聯絡佢，問嘉玲會唔會叫老公梁朝偉做嘉賓？嘉玲話：「呢啲等佢哋自己私下傾。」佢仲話：「如果我做得唔得？我唔唱歌淨係上台打招呼？如果唔得我真係要考慮出賣佢（梁朝偉）做嘉賓。」嘉玲又同徐克講：「導演你搵劉德華返嚟拍戲咪有飛囉。」
另外，戲中有一幕講述嘉玲色誘趙又廷演嘅狄仁傑，嘉玲笑住話：「嗰場戲所有嘅動作都由導演親身指導，佢教嘅肢體動作相當妖艷，你睇佢以前拍《青蛇》、《上海之夜》就知，佢平時肯定係一個活色生香嘅人。」問到兩人會唔會再有機會合作，嘉玲話：「導演有好多諗法，佢有新劇本自然就會搵我。」
撰文：馮仁昭
回應 (0)
