新聞類別
娛樂
詳情#
【蘋果日報】吳浩康同洪卓立都是新秀出身，但一個粗獷野性，一個沉默寡言，性格、外形南轅北轍。這對黑白組合相識11年，今年首次合作，將於下月11日在旺角麥花臣場館舉行「他說他的故事演唱會」。兩人都在流言蜚語下成長，受盡網絡欺凌，將透過音樂訴說他們的故事。
撰文：馬建華
攝影：陳俊強
要在香港樂壇立足並非易事，洪卓立與吳浩康在是非洪流中力爭上游，繼續自己的音樂夢。二人之前同屬英皇唱片公司，可惜苦無合作機會，想不到兜兜轉轉11年，終於可以憑音樂交流。吳浩康說：「早幾年做可能冇乜嘢想講，依家我哋都30幾歲，有啲嘢可以走埋一齊講。」旁邊的Ken亦深深嘆氣說︰「終於唔使再同鍾舒漫。」聽見舊愛鍾舒漫名字，Deep笑說：「我唔嫌棄同佢合作㗎！」
被指使女人錢
兩個男人開騷，洪卓立覺得比起跟女歌手合唱，音樂上有更多變化。演唱上他們會互唱對方歌曲，吳浩康說：「有一批歌佢唔會唱番，所以揀嚟唱，我唱自己歌會改編，但唱佢嘅歌會用原來編曲，我想透過呢個騷介紹佢嘅好嘢畀大家知。」洪卓立表示會選擇有故事性的歌曲來演繹：「有啲歌可能歌迷想聽自己偶像唱番，咁我就會留番畀佢唱。今次個騷冇花巧，純粹係做好音樂令觀眾共鳴。」
洪卓立及吳浩康受過不少網絡欺凌，洪卓立指最不忿是被人胡亂否定：「有個台灣人喺我首歌留言『首歌幾好聽，但唔知呢個係邊位？』跟住有人用廣東話留言『嗰個係死人，香港冇人聽佢唱歌。』呢句說話難聽過所有嘢，摧毀咗我同幕後人所有努力。」
相反，吳浩康承認很多抨擊，是源於自己曾犯錯，但最令他受不了是被指「使女人錢」。他說︰「自己發生咁多事，令人睇我角度有少少唔同，最緊要自己消化，我會同自己講將唱歌、演戲兩樣嘢做好。」
掹車邊明星仔
洪卓立亦有同感，他跟女友湯怡一段情亦被狙擊，他無奈硬食：「有人話我哋咁耐都唔結婚，一定係男仔有問題，唔好嫁窮鬼啦！平時我都好少覆，嗰次我忍唔住覆『你好似識我咁』，好奇怪，好多人見唔到就當你冇做，如果我日日做嘢擺上網，佢哋又唔睇，好彩兩個人嘅事，另一半知道就算。」
面對工作及是非壓力，洪卓立幸有家人支持：「家人由唔支持、反對、擔心到依家有少少驕傲。我媽咪係校花，曾經諗過參選港姐，我依家掹車邊都叫明星仔。我好鍾意唱歌，唔做呢行仲可以做邊行吖！」
服裝提供：WTDAF（洪卓立）
場地提供：RedMR紅人派對
撰文：馬建華
攝影：陳俊強
要在香港樂壇立足並非易事，洪卓立與吳浩康在是非洪流中力爭上游，繼續自己的音樂夢。二人之前同屬英皇唱片公司，可惜苦無合作機會，想不到兜兜轉轉11年，終於可以憑音樂交流。吳浩康說：「早幾年做可能冇乜嘢想講，依家我哋都30幾歲，有啲嘢可以走埋一齊講。」旁邊的Ken亦深深嘆氣說︰「終於唔使再同鍾舒漫。」聽見舊愛鍾舒漫名字，Deep笑說：「我唔嫌棄同佢合作㗎！」
被指使女人錢
兩個男人開騷，洪卓立覺得比起跟女歌手合唱，音樂上有更多變化。演唱上他們會互唱對方歌曲，吳浩康說：「有一批歌佢唔會唱番，所以揀嚟唱，我唱自己歌會改編，但唱佢嘅歌會用原來編曲，我想透過呢個騷介紹佢嘅好嘢畀大家知。」洪卓立表示會選擇有故事性的歌曲來演繹：「有啲歌可能歌迷想聽自己偶像唱番，咁我就會留番畀佢唱。今次個騷冇花巧，純粹係做好音樂令觀眾共鳴。」
洪卓立及吳浩康受過不少網絡欺凌，洪卓立指最不忿是被人胡亂否定：「有個台灣人喺我首歌留言『首歌幾好聽，但唔知呢個係邊位？』跟住有人用廣東話留言『嗰個係死人，香港冇人聽佢唱歌。』呢句說話難聽過所有嘢，摧毀咗我同幕後人所有努力。」
相反，吳浩康承認很多抨擊，是源於自己曾犯錯，但最令他受不了是被指「使女人錢」。他說︰「自己發生咁多事，令人睇我角度有少少唔同，最緊要自己消化，我會同自己講將唱歌、演戲兩樣嘢做好。」
掹車邊明星仔
洪卓立亦有同感，他跟女友湯怡一段情亦被狙擊，他無奈硬食：「有人話我哋咁耐都唔結婚，一定係男仔有問題，唔好嫁窮鬼啦！平時我都好少覆，嗰次我忍唔住覆『你好似識我咁』，好奇怪，好多人見唔到就當你冇做，如果我日日做嘢擺上網，佢哋又唔睇，好彩兩個人嘅事，另一半知道就算。」
面對工作及是非壓力，洪卓立幸有家人支持：「家人由唔支持、反對、擔心到依家有少少驕傲。我媽咪係校花，曾經諗過參選港姐，我依家掹車邊都叫明星仔。我好鍾意唱歌，唔做呢行仲可以做邊行吖！」
服裝提供：WTDAF（洪卓立）
場地提供：RedMR紅人派對
回應 (0)
