港商：冇美國單一定死

【蘋果日報】中美兩國在貿易戰交鋒，東莞廠商兼網台時事評論員傑斯指出，美國就算不向中國購入貨物，亞洲區仍有大量選擇，反觀「內地間間廠都係做美國單，冇美國單一定死」，故美國在製造業的貿易戰成為大贏家。
傑斯表示，美國市場是中國製造業最重要的市場，故港商在內地設廠其實甚被動，東南亞各國競爭對手的價格比中國低，佔主動是美國客及歐洲客。他說：「依家加咗2,000億美元 （約1.56萬億港元），美國客人係有選擇，佢哋可以選擇到泰國或越南去做，冇必要搵中國。」他認為特朗普之所以推出三輪關稅，其實就是想美國大品牌離開中國製造業，逼他們去其他國家。他指出，現時美國單數量減得非常厲害，足足少了一半，「已經唔算好差」。他又特別提到，美國單特色是穩定，他形容「做開一年，他們年年都搵你，設計都唔會轉，但歐洲市場卻年年轉設計，故開拓新市場並唔容易，成本亦好高」。
結業過程需兩至三年
「今次真係好大鑊！」香港中小型企業聯合會創會會長佘繼標亦形容中美貿易戰持續，對港商打擊很大，他指出合同無寫新關稅如何解決，若美方突然下令徵收新關稅，即時生效，買賣雙方都不知在海上航行的貨物由誰負責，「生產商畀唔起，銷售商畀唔掂」，未來將會非常混亂及產生極多糾紛。
佘指出，就算銷售商肯付錢，貨物價格突然高了25%，很有可能賣不出：「平時賣1,000萬人民幣（下同，約1,148萬港元）嘅貨，可能只賣到300萬（344萬港元）嘅貨，700萬貨點樣處理呢？生唔生產呢？唔生產又俾人罰，生產咗個倉邊個畀？船費邊個畀呢？」他估計，最終銷售商極有可能要求生產商分擔，最終廠商不勝負荷結業。
另一方面，港商想將內地工廠結業同樣不容易。港商劉達邦表示，結業要處理工資、長服金、海關賬目、環保、廢料等，還有一系列的部門磋商，整個過程最少兩至三年，以一間300人工廠為例，結業費用最少3,000萬（3,444萬港元）。據悉，過往有港商將工廠結業返回香港，結果被政府人員在香港抓回內地，勒令他付清賬單才獲准離去。
■記者黎仕南