欣宜向友訴苦收驚喜

【蘋果日報】鄭欣宜為宣傳新歌《關於寂寞》，日前在觀塘受訪。欣宜透露新歌是兩個月前與Supper Moment成員Sunny聊天，對方聽了她的不開心經歷及憂慮後，送給她的驚喜禮物。欣宜稱：「過去一年我係唔開心嘅，但性格係報喜不報憂，可能因為細個同婆婆住，唔想佢擔心，之後入行喺社交平台，大家都會關注我哋，我都唔會講今日唔開心。」
歌詞中：「找一刻歡快避過獨個夜晚」，欣宜覺得刺中她要害：「我係緊張大師，喺派對上都照顧其他人感受，我知係諗太多，我鍾意一班人一齊，但一個人時情緒最真實。尤其喺有壓力時要發洩，但之後要提醒自己，身邊有好多同伴。」
採訪：王連連
攝影：沈健程
場地提供：如心艾朗酒店