毛舜筠得獎多謝呂良偉

【蘋果日報】毛舜筠（毛姐）日前憑電影《黃金花》在台灣舉行的第58屆亞太影展中再奪影后，她當天因要陪囡囡到加拿大開學，被迫缺席頒獎禮，英皇老闆楊受成前晚在灣仔為新加盟的毛姐舉行慶功宴，並給她送上閃爆鑽石吊墜頸鏈，毛姐笑不攏嘴。
毛姐當日缺席頒獎禮，由呂良偉代領，阿呂前晚帶來獎座交到毛姐手中。毛姐大爆得獎內幕：「今次攞亞太影后，真係整定，亞太邀請呂哥去頒獎，呂哥問《黃金花》係咪已經入咗圍，原來未報名，呂哥同佢哋講千祈要等埋我哋部戲，於是爭兩日就截止，我哋趕到報名，因為佢一句說話，如果唔係就冇啦。」毛姐表示前經理人Helen身體抱恙，梁李少霞建議毛姐加入英皇，毛姐說：「有個大家庭後面幫我，好感恩。」毛姐透露合約期超過三年。
採訪、攝影：楊定