新聞類別
娛樂
詳情#
【蘋果日報】娛樂圈又添一個狗BB！噚日係名模Rosemary嘅37歲生辰，亦係佢囝囝誕生嘅好日子，可謂雙喜臨門。噚日佢喺社交網上載咗老公抱住B仔狂錫嘅片段，公佈誕下兒子喜訊。
其實早前佢已經向傳媒透露同老公一索得男，更選擇喺自己生日嘅日子剖腹，以後佢就可以年年同個仔一齊慶生。為咗迎接小生命來臨，兩夫婦更特別準備咗一間白色佈置的BB房，朋友都送咗好多BB衫畀佢寶貝仔。
15年底，33歲嘅Rosemary同拍拖5年嘅印度籍混血富商Jason拉埋天窗，婚後佢哋一直享受二人世界。今年母親節，Rosemary喺社交網站公佈自己懷孕22周嘅消息。陀B到6個月嗰陣，Rosemary仲拍咗輯性感大肚相，除咗着白T恤透視上身，更赤裸喺瀑布下小溪拍巨肚照，盡展懷孕後嘅玲瓏曲線。
貝安琪戥開心
Rosemary懷孕後冇停工，亦百無禁忌，本月初着住4吋高踭鞋，為設計師何國鉦入行25周年嘅時裝騷行catwalk，而懷孕後嘅佢亦十分活躍，不但做「跟得夫人」陪老公中環夜蒲，肚大如籮嘅佢，一樣可以着大露背短裙，做埋柴可夫車老公返歸，活力十足。加上佢懷孕後繼續做瑜伽，身形keep得相當好，名模魅力沒法擋。
Rosemary生咗慈菇椗，好姊妹貝安琪好開心話：「真係好戥Rosemary同Jason開心，Rose嘅狀態好好，睇咗好多BB相，BB非常得意，相信所有BB出世嗰時都似爸爸多啲，今日冇時間，呢幾日會去探佢。」
撰文：馮仁昭
其實早前佢已經向傳媒透露同老公一索得男，更選擇喺自己生日嘅日子剖腹，以後佢就可以年年同個仔一齊慶生。為咗迎接小生命來臨，兩夫婦更特別準備咗一間白色佈置的BB房，朋友都送咗好多BB衫畀佢寶貝仔。
15年底，33歲嘅Rosemary同拍拖5年嘅印度籍混血富商Jason拉埋天窗，婚後佢哋一直享受二人世界。今年母親節，Rosemary喺社交網站公佈自己懷孕22周嘅消息。陀B到6個月嗰陣，Rosemary仲拍咗輯性感大肚相，除咗着白T恤透視上身，更赤裸喺瀑布下小溪拍巨肚照，盡展懷孕後嘅玲瓏曲線。
貝安琪戥開心
Rosemary懷孕後冇停工，亦百無禁忌，本月初着住4吋高踭鞋，為設計師何國鉦入行25周年嘅時裝騷行catwalk，而懷孕後嘅佢亦十分活躍，不但做「跟得夫人」陪老公中環夜蒲，肚大如籮嘅佢，一樣可以着大露背短裙，做埋柴可夫車老公返歸，活力十足。加上佢懷孕後繼續做瑜伽，身形keep得相當好，名模魅力沒法擋。
Rosemary生咗慈菇椗，好姊妹貝安琪好開心話：「真係好戥Rosemary同Jason開心，Rose嘅狀態好好，睇咗好多BB相，BB非常得意，相信所有BB出世嗰時都似爸爸多啲，今日冇時間，呢幾日會去探佢。」
撰文：馮仁昭
回應 (0)
