謝安琪孖Juno去時鐘酒店

【蘋果日報】謝安琪（Kay）昨日在中環出席美容產品活動，分享護膚心得，她對皮膚好自信，主要從生活習慣飲食着手。阿Kay近日為麥浚龍（Juno）新歌《勇悍17》擔任MV女主角，情節講述兩人去時鐘酒店開房，阿Kay坦言現實中沒去過時鐘酒店光顧，第一次踏足好緊張，並說：「去到個環境所有工作人員都好怕醜，氣氛好緊張，明明嗰場戲只係交代我哋入咗時鐘酒店，喺個櫃枱畀錢，冇事發生。」
阿Kay在場好奇四處張望，並多謝Juno令她平靜生活中帶來波瀾。見識過後會和老公張繼聰去體驗一番？Kay笑指：「唔使啦，虛構故事體驗就夠， 人生平淡啲就得，我都有同老公講去時鐘酒店拍攝，佢叫我去見識吓。」
採訪：卓寶花
攝影：陳俊強