精神分裂式演出

【蘋果日報】郭富城在下月上映的電影《無雙》，與周潤發有不少對手戲，城城今次更有精神分裂式的演出。他對自己演出亦很滿意：「要做兩個人嘅極端出嚟，但唔可以太過，要喺最過條線裏面收緊。咁多年嚟，我都調整咗自己演技，不斷反思自己演出，我覺得今次係超越《踏血尋梅》。」他更表示片中角色是「沉默中有驚恐，癲之餘又唔可以俾人知佢係癲。」
《無雙》中不乏向80、90年代電影致敬之處，其中與金像影帝奇雲史帕西（Kevin Spacey）於95年主演的電影《非常嫌疑犯》（The Usual Suspects）最為相似，城城跟奇雲在戲中都用盡方法轉移警方視線、推卸罪責。城城自言未睇過《非》片：「據我所知，成個《無雙》骨幹係莊文強08年寫嘅，直到14年有啲嘢放寬，啲人知道內地可以上，先願意投資。依家版本喺人物上都修正咗。」