高海寧喼弗　無懼上圍縮水

【蘋果日報】高海寧（高Ling）昨日在尖沙嘴出席活動，最近因為拍動作戲的關係，高Ling接受了不少訓練，她笑說身手靈活了不少：「依家教練都有讚我動作快咗，而且冇咁易受傷。不過喺戲裏面主要係負責做清道夫，即係殺手殺完人之後，我要負責執屍同清理現場，所以拍之前都要睇美劇《CSI》取經。」
高Ling笑稱今次角色是為她度身訂做：「我以前讀書時已經好鍾意理科，鍾意上堂劏青蛙老鼠，唔驚血同內臟，第一場戲就要拍處理一隻死豬，我唔驚不過當時天氣好熱，所以好臭，身邊工作人員都要包晒毛巾。」她還稱因造型要露腰，所以間接逼自己要努力喼弗戒口，問到上圍有否因此縮水？她反問：「你哋覺得呢？其實我唔介意，最緊要身形均勻。」
採訪：曹家誠
攝影：陳俊強