【馮仁昭四圍超】敏之影長腿識攞角度

【蘋果日報】「索腿天后」陳敏之同老公雷偉信結婚四周年，日前約埋嚴淑明、《東張西望》主持容羨媛等到泰國旅行。
噚日敏之喺社交網貼咗唔少同朋友出海玩樂嘅相，當然唔少得着住泳裝嘅靚相，瞓喺浮床上享受陽光，佢又大晒一對長腿，目測靚腿超過半個人高度。難怪有唔少網友都大讚長腿相嘅攝影師，識攞角度影得好，睇嚟敏之可以開班授徒。
撰文：馮仁昭