新聞類別
港聞
詳情#
【蘋果日報】「我哋識咗一年，佢從來冇講過錢，我唔信佢呃我！」同樣墮入網上情緣騙局的Jenny，年約60歲，與丈夫離婚20多年，獨力撫養兩名兒子成人，一直未有再婚。
去年8月在網上認識自稱「56歲的美國鐵路工程師」的Walker Smith，對方更謂自己已喪妻10多年，獨自在美國芝加哥生活，因工作需要不時要到各國維修鐵路。
「未婚夫」稱被扣查索款
二人透過手機App「Hangouts」溝通，「每日傾20至30分鐘，我哋會互相噓寒問暖。佢仲話我好善良，心地好，仲叫我做My Love（我的愛人）、My wife（我的老婆）」。Jenny很快便墮入愛河，數月前，男方稱8月底會來港跟她見面，並計劃與她在港註冊結婚，之後一起到芝加哥生活。Jenny以為找到老伴，索性辭去工作多年的文職。
惟男方突然稱在台北轉機時被海關扣查，「話喺佢行李搜出10萬美金，同埋一隻價值10萬美金嘅鑽戒（聲稱求婚用），懷疑佢洗黑錢，要罰15,500美金，即係大約12萬港紙，先放佢走」。對方要求她將罰款電匯至印尼一個銀行戶口，其間Smith還聲稱被人帶到一個房間，表現得很驚慌；又稱被禁止通話，只能發訊息。Jenny於是向美國駐台北領事館、台北警局、台灣移民署等求助，但苦無結果。
Jenny原本打算親身到台灣營救愛人，最後因航空公司回覆稱，當日所有航班均沒有乘客叫Walker Smith，以及記者揭發男方疑盜用別人頭像及身份，Jenny終於清醒過來：「我冇畀過一分一毫，（至於感情損失？）咪當冇咗一個伴。」她事後氣忿道，這班騙徒殺之不盡，一雞死一雞鳴，又指其手法很高招，「佢哋真係好叻，花咗一年時間，其間完全冇提過金錢利益」。她慶幸自己沒有金錢損失，但坦言也曾為Smith動心、將感情投入，「最終俾人瞞騙，當然覺得好唔抵」。
對於近年網上情緣騙案激增，Jenny直言也曾懷疑過：「我都有睇過報紙嘅網上情緣騙案，100單可能有99單係騙案，但仲有一單係真嘅。」惟得知是騙局後，她立即抽身，更希望以其經歷警惕其他受害人，「自己都一把年紀，又唔係未戀愛過，冇必要對網上情緣咁認真，即使一個人都可以開心生活」。
■記者郭美華
去年8月在網上認識自稱「56歲的美國鐵路工程師」的Walker Smith，對方更謂自己已喪妻10多年，獨自在美國芝加哥生活，因工作需要不時要到各國維修鐵路。
「未婚夫」稱被扣查索款
二人透過手機App「Hangouts」溝通，「每日傾20至30分鐘，我哋會互相噓寒問暖。佢仲話我好善良，心地好，仲叫我做My Love（我的愛人）、My wife（我的老婆）」。Jenny很快便墮入愛河，數月前，男方稱8月底會來港跟她見面，並計劃與她在港註冊結婚，之後一起到芝加哥生活。Jenny以為找到老伴，索性辭去工作多年的文職。
惟男方突然稱在台北轉機時被海關扣查，「話喺佢行李搜出10萬美金，同埋一隻價值10萬美金嘅鑽戒（聲稱求婚用），懷疑佢洗黑錢，要罰15,500美金，即係大約12萬港紙，先放佢走」。對方要求她將罰款電匯至印尼一個銀行戶口，其間Smith還聲稱被人帶到一個房間，表現得很驚慌；又稱被禁止通話，只能發訊息。Jenny於是向美國駐台北領事館、台北警局、台灣移民署等求助，但苦無結果。
Jenny原本打算親身到台灣營救愛人，最後因航空公司回覆稱，當日所有航班均沒有乘客叫Walker Smith，以及記者揭發男方疑盜用別人頭像及身份，Jenny終於清醒過來：「我冇畀過一分一毫，（至於感情損失？）咪當冇咗一個伴。」她事後氣忿道，這班騙徒殺之不盡，一雞死一雞鳴，又指其手法很高招，「佢哋真係好叻，花咗一年時間，其間完全冇提過金錢利益」。她慶幸自己沒有金錢損失，但坦言也曾為Smith動心、將感情投入，「最終俾人瞞騙，當然覺得好唔抵」。
對於近年網上情緣騙案激增，Jenny直言也曾懷疑過：「我都有睇過報紙嘅網上情緣騙案，100單可能有99單係騙案，但仲有一單係真嘅。」惟得知是騙局後，她立即抽身，更希望以其經歷警惕其他受害人，「自己都一把年紀，又唔係未戀愛過，冇必要對網上情緣咁認真，即使一個人都可以開心生活」。
■記者郭美華
留言 (0)
