朱茵改變老公愛出口

【蘋果日報】朱茵和張繼聰日前於銅鑼灣宣傳新片《古宅》，暢談家庭事，朱茵說：「個女終有日會飛，作為阿媽都要識放手。我奉勸要多啲攬住個女講我愛你，老公黃貫中依家都學我，攬住個女講我愛你，愛唔可以放喺心，要行動。我噚日都激嬲媽咪，唔理咁多認咗衰先，攬住啜。」朱茵指老公平時很酷，但卻被女兒溶化：「男人真係過唔到自己個女，所有女都過到，就係自己個女過唔到。」
張繼聰笑言：「我預咗有報應，唔生小朋友都唔知自己對父母有幾衰，依家學識要控制脾氣。拍完之後，知道要珍惜，我同爸媽一齊住，可以多啲時間見。」
採訪：張俊銘
攝影：仇志德
場地提供：灣仔龍門棧