新聞類別
港聞
詳情#
【蘋果日報】網上情緣騙子多不勝數，繼《蘋果》昨報道兩名女受害人被騙後，再有港女遇上情網騙子，並發現騙徒手法不斷變種。騙子的角色設定，由外國人變成外國回流返港的肌肉男，另外借錢藉口亦由漏報關被扣押，改為到外國傾生意不夠錢交稅。不過，千變萬化的橋段其實只是換湯不換藥，今次女事主亦及時識破騙局，未有上當。
「理智少少好易睇到破綻」
剛失戀的35歲June，早前加入號稱最「體貼女性」的美國交友軟件Coffee Meets Bagel，希望找到心儀對象，沒想到卻招來網上情緣騙子。對方自稱Nelson，是一名工程師，並大晒靚仔肌男相，吸引June跟他交朋友。他聲稱在港出生，曾就讀美國哈佛大學，近月才由英國回流，並已在港開設公司。認識不久，對方已透露自己喪偶，有一名8歲兒子，目前兒子在英國跟隨祖母生活。
兩人其後改用WhatsApp溝通，「佢每日都打一大段說話關心我，傾咗一星期後，仲話鍾意我，我此時已覺得唔對路，而且佢已經回流返港，點解佢嘅電話係+44，即係英國電話呢？」June很快已發現他大話連篇，破綻多多。
再過一星期，Nelson稱要到土耳其競投當地一個基建項目，更傳來準備上機的相片，「但打開一睇，已經覺得好假，因為佢喺機場一時着長袖衫，一時就短袖」。其後，他又傳來開會的相片，「我睇真啲，裏面冇一個係佢」。
兩天後，Nelson說成功投標，又傳來一份基建合約，但要先向當地政府支付3萬英鎊（約30萬港元）作為稅項，「佢話身上只得1.5萬英鎊（約15萬港元），問我借剩番嘅1.5萬英鎊，佢見我冇理佢，佢就不斷降低金額，最終減至8,000英鎊（約8萬元），又不斷叫我入落一個土耳其戶口」。
June未有上當，更不斷試探他，「我問佢攞銀行戶口，但佢只係傳嚟一個聲稱係表弟嘅恒生銀行戶口，仲話自己戶口喺土耳其無法提款，更傳嚟護照證明，但出生日期和相片好明顯係加工上去」。June懷疑他傳來的照片全是盜用他人，「網上情緣騙案，新聞都報過，但估唔到自己都會遇上，可見呢啲騙徒幾多，但其實只要我哋理智少少，就好容易看出破綻」。
《蘋果》根據June提供騙子傳給她的相片大起底，發現相中人真身是一名姓金的韓國人，相片都是從對方的facebook等社交平台盜取，記者曾試圖透過facebook聯絡該姓金韓國人，告知他可能被騙徒盜取相片，可是他一直未有回覆。
■記者郭美華
「理智少少好易睇到破綻」
剛失戀的35歲June，早前加入號稱最「體貼女性」的美國交友軟件Coffee Meets Bagel，希望找到心儀對象，沒想到卻招來網上情緣騙子。對方自稱Nelson，是一名工程師，並大晒靚仔肌男相，吸引June跟他交朋友。他聲稱在港出生，曾就讀美國哈佛大學，近月才由英國回流，並已在港開設公司。認識不久，對方已透露自己喪偶，有一名8歲兒子，目前兒子在英國跟隨祖母生活。
兩人其後改用WhatsApp溝通，「佢每日都打一大段說話關心我，傾咗一星期後，仲話鍾意我，我此時已覺得唔對路，而且佢已經回流返港，點解佢嘅電話係+44，即係英國電話呢？」June很快已發現他大話連篇，破綻多多。
再過一星期，Nelson稱要到土耳其競投當地一個基建項目，更傳來準備上機的相片，「但打開一睇，已經覺得好假，因為佢喺機場一時着長袖衫，一時就短袖」。其後，他又傳來開會的相片，「我睇真啲，裏面冇一個係佢」。
兩天後，Nelson說成功投標，又傳來一份基建合約，但要先向當地政府支付3萬英鎊（約30萬港元）作為稅項，「佢話身上只得1.5萬英鎊（約15萬港元），問我借剩番嘅1.5萬英鎊，佢見我冇理佢，佢就不斷降低金額，最終減至8,000英鎊（約8萬元），又不斷叫我入落一個土耳其戶口」。
June未有上當，更不斷試探他，「我問佢攞銀行戶口，但佢只係傳嚟一個聲稱係表弟嘅恒生銀行戶口，仲話自己戶口喺土耳其無法提款，更傳嚟護照證明，但出生日期和相片好明顯係加工上去」。June懷疑他傳來的照片全是盜用他人，「網上情緣騙案，新聞都報過，但估唔到自己都會遇上，可見呢啲騙徒幾多，但其實只要我哋理智少少，就好容易看出破綻」。
《蘋果》根據June提供騙子傳給她的相片大起底，發現相中人真身是一名姓金的韓國人，相片都是從對方的facebook等社交平台盜取，記者曾試圖透過facebook聯絡該姓金韓國人，告知他可能被騙徒盜取相片，可是他一直未有回覆。
■記者郭美華
回應 (0)
