新聞類別
港聞
詳情#
【蘋果日報】新一個立法會會期月中開鑼，「民主派會議」召集人亦換上新面孔，由「議會陣線」毛孟靜接棒。毛於上周四正式接任之日接受《蘋果》訪問，自稱代表「前衞」力量的她坦言過去與建制派百分百無私交，但笑指與建制派「一無殺父之仇、二無奪夫之恨」，故相信未來與建制派「講數」時，不會拍桌而起、拂袖而去，並已有心理準備一改過去作風，會在建制派主動邀約下與對方「食個包傾吓偈」。對於有報道不具名引述建制派指她「乞人憎」，她說匿名批評極「小學雞」。
毛孟靜接任民主派會議召集人消息傳出後，外界議論紛紛，質疑她是否與建制派甚至民主派溝通的合適人選。毛孟靜認為，外界不應對此職有不必要的迷思，「我純粹係一個聯絡人嘅角色，當然可能當中或者會涉及一啲游說，喺自己人之間，但真係冇乜嘢大不了，盡做」。
談到處事作風與前任召集人、專業議政莫乃光的分別時，毛先笑指：「佢（莫）係男，我係女，隨時我比佢心軟！」她相信處事手法與莫分別不大，「我一定唔會拍桌而起、拂袖而去，呢個係冇意義，對方又唔係你殺父仇人，無殺父之仇、奪夫之恨，哈哈，盡量做啦。」舉例指立法會新一會期事務委員會的正副主席人選安排上，「佢哋（建制派）係大多數，基本上肯放就放、唔放就唔放，奈佢唔何，所以只能盡做」。
邀建制派「食包傾偈」
問到她若較心軟，會否更易和建制派商量？毛孟靜說：「會難，因為感情永遠係雙向的，要有一個開始」，自言2012年出任議員至今，與建制派百分百無私交，唯一一次與建制派吃飯，就是立法會主席梁君彥去年會期開始前邀請不同派別議員聚餐之時。然而毛稱出任召集人後，已有心理準備因為要代表民主派與建制派講數而一改做法，「對方（建制派）如果堅持食飯飲茶，食個包傾吓偈，以前我唔會做，我依家會做囉，唯一係呢樣」，又指：「大家有個工作關係就好，唔需要話忽然變得攬頭攬頸，呢個係完全無必要」。
對於早前有報道不具名引述建制派議員認為她乞人憎，毛孟靜相信有關報道不是虛構，「但係真係有guts（膽識），你（建制派議員）就具名畀人引述，呢啲係非常小學雞嘅，喺背後話最乞人憎係你，不過又話唔好話我講，咁係非常討厭」。
■記者林俊謙
毛孟靜接任民主派會議召集人消息傳出後，外界議論紛紛，質疑她是否與建制派甚至民主派溝通的合適人選。毛孟靜認為，外界不應對此職有不必要的迷思，「我純粹係一個聯絡人嘅角色，當然可能當中或者會涉及一啲游說，喺自己人之間，但真係冇乜嘢大不了，盡做」。
談到處事作風與前任召集人、專業議政莫乃光的分別時，毛先笑指：「佢（莫）係男，我係女，隨時我比佢心軟！」她相信處事手法與莫分別不大，「我一定唔會拍桌而起、拂袖而去，呢個係冇意義，對方又唔係你殺父仇人，無殺父之仇、奪夫之恨，哈哈，盡量做啦。」舉例指立法會新一會期事務委員會的正副主席人選安排上，「佢哋（建制派）係大多數，基本上肯放就放、唔放就唔放，奈佢唔何，所以只能盡做」。
邀建制派「食包傾偈」
問到她若較心軟，會否更易和建制派商量？毛孟靜說：「會難，因為感情永遠係雙向的，要有一個開始」，自言2012年出任議員至今，與建制派百分百無私交，唯一一次與建制派吃飯，就是立法會主席梁君彥去年會期開始前邀請不同派別議員聚餐之時。然而毛稱出任召集人後，已有心理準備因為要代表民主派與建制派講數而一改做法，「對方（建制派）如果堅持食飯飲茶，食個包傾吓偈，以前我唔會做，我依家會做囉，唯一係呢樣」，又指：「大家有個工作關係就好，唔需要話忽然變得攬頭攬頸，呢個係完全無必要」。
對於早前有報道不具名引述建制派議員認為她乞人憎，毛孟靜相信有關報道不是虛構，「但係真係有guts（膽識），你（建制派議員）就具名畀人引述，呢啲係非常小學雞嘅，喺背後話最乞人憎係你，不過又話唔好話我講，咁係非常討厭」。
■記者林俊謙
留言 (0)
