新聞類別
娛樂
詳情#
【蘋果日報】歌神張學友巡迴演出接近兩年，至今已完成191場「學友．經典」世界巡迴演唱會。昨日他束起辮仔，穿上迷人粉紅色西裝現身尖沙嘴，公佈於明年1月11至29日舉行合共15場的紅館演唱會，這亦是整個巡唱的尾站，完成後累計演出超過220場，相當厲害。
昨日的記者會舞台由三邊大屏幕包圍，開始時播出過去各站巡唱的精采片段，學友在台上表示巡迴演唱會已成為他生活一部份，其間經歷團隊中有人結婚、生仔、離隊，甚至離開，彷彿像一個生活縮影。
想做落去
學友又說：「我有諗過不如一路做落去，或者主辦好開心會聽到咁樣，我自己雖然接近花甲之年，亦都想繼續前進，想將classic tour變成我嘅記憶，到目前為止呢個係我最滿意嘅一次演唱會，投放時間、精力、諗法最多一次，正如上次演唱會未完，就冇今次呢一個嘅出現，所以我覺得佢有一個結束。」
香港是巡唱尾站，學友稱兩年前因為紅館申請檔期問題，未能在香港舉行首站，所以希望在港結束：「應該好多人知道本來今年暑假結束，但又因為冇期延到11月，再因為冇期，延到明年1月，我都要多謝紅館，因為中間令我哋做多超過50場，令我嘅回憶可以延長一啲，做多啲，香港站我唔敢講係好完美嘅結束，但一定係圓滿結束。」
「場數少咗」
繼劉德華演唱會早前取消於售票處出售門票，大會昨日亦宣佈學友演唱會下周五開始售票，門票只供網上購票、信用卡購票及流動應用程式購票，並且首次推行延後取票，即購票確認，購買人士需攜帶相關信用卡於每場演出日期前14日至演唱會當日取票。學友說：「因為之前發生不愉快事件，環球同康文署開會之後，覺得呢個係最低風險做法，我都有問過可能有啲人冇信用卡，但係佢哋話身邊總會有人有，所以說服咗我。」他續表示：「場數少咗，門票係緊張咗，但賣嘅門票比上次多，不過幾多我就唔清楚。」對於被封為反黑之星，學友指沒理由調查身份才讓觀眾入場，任何人都可以睇騷，但每個人都要為自己做的事負責任。
採訪：馬建華
攝影：陳俊強
昨日的記者會舞台由三邊大屏幕包圍，開始時播出過去各站巡唱的精采片段，學友在台上表示巡迴演唱會已成為他生活一部份，其間經歷團隊中有人結婚、生仔、離隊，甚至離開，彷彿像一個生活縮影。
想做落去
學友又說：「我有諗過不如一路做落去，或者主辦好開心會聽到咁樣，我自己雖然接近花甲之年，亦都想繼續前進，想將classic tour變成我嘅記憶，到目前為止呢個係我最滿意嘅一次演唱會，投放時間、精力、諗法最多一次，正如上次演唱會未完，就冇今次呢一個嘅出現，所以我覺得佢有一個結束。」
香港是巡唱尾站，學友稱兩年前因為紅館申請檔期問題，未能在香港舉行首站，所以希望在港結束：「應該好多人知道本來今年暑假結束，但又因為冇期延到11月，再因為冇期，延到明年1月，我都要多謝紅館，因為中間令我哋做多超過50場，令我嘅回憶可以延長一啲，做多啲，香港站我唔敢講係好完美嘅結束，但一定係圓滿結束。」
「場數少咗」
繼劉德華演唱會早前取消於售票處出售門票，大會昨日亦宣佈學友演唱會下周五開始售票，門票只供網上購票、信用卡購票及流動應用程式購票，並且首次推行延後取票，即購票確認，購買人士需攜帶相關信用卡於每場演出日期前14日至演唱會當日取票。學友說：「因為之前發生不愉快事件，環球同康文署開會之後，覺得呢個係最低風險做法，我都有問過可能有啲人冇信用卡，但係佢哋話身邊總會有人有，所以說服咗我。」他續表示：「場數少咗，門票係緊張咗，但賣嘅門票比上次多，不過幾多我就唔清楚。」對於被封為反黑之星，學友指沒理由調查身份才讓觀眾入場，任何人都可以睇騷，但每個人都要為自己做的事負責任。
採訪：馬建華
攝影：陳俊強
回應 (0)
