新聞類別
娛樂
詳情#
【蘋果日報】
林二汶前晚喺麥花臣場館開騷，獲許廷鏗、何韻詩同父母等嚟撐場，二汶喺台上唱完快歌玩感性：「驚當自己好坦白，冇人再愛自己，不過最後發覺不如返去原來嘅起點，返去攬住嫲嫲整畀我嘅攬枕，呢個攬枕陪咗我30年，冇洗過，一攬住佢就會諗番最根本嘅自己，好掛住嫲嫲。」
長大好殘忍
二汶唱咗at17嘅《最難唱的情歌》同《最幸運的人》，送畀已故嘅好拍檔盧凱彤（Ellen）後，再分享「The Missing Piece」故事：「無論大家有幾配合，始終都有長大嘅一日，係好殘忍，但都係生命嘅美好。」二汶之後喺壓軸環節，分享15年為《玩轉腦朋友》（Inside out）配音嘅感受，佢話自己性格係同「阿樂」（Joy）一樣，不知「阿愁」（Sadness）係乜嘢：「最後終於知道乜嘢叫悲喜交集，成長就係一件咁嘅事，人生以後仲有好多事教我哋明白乜嘢叫『Joy』同『Sadness』。」
完騷後，二汶補充：「我嘅人生經歷豐富咗，『阿愁』終於出咗嚟，明白感受多咗，以前我係開開心心、嘻嘻哈哈，依家長大知道唔開心唔係咁得人驚，係可以並存。」問到佢台上忍到冇喊，佢話：「因為綵排已經崩潰咗多次，所以做騷嗰陣OK，事前做咗好多準備同練習。」提到揀歌專登送畀Ellen，佢話：「我以後演出嘅所有歌都係送畀佢，佢永遠都會喺度，永遠都係同我一齊，呢個舞台係唔會冇佢喺度。」
撰文：馮仁昭
林二汶前晚喺麥花臣場館開騷，獲許廷鏗、何韻詩同父母等嚟撐場，二汶喺台上唱完快歌玩感性：「驚當自己好坦白，冇人再愛自己，不過最後發覺不如返去原來嘅起點，返去攬住嫲嫲整畀我嘅攬枕，呢個攬枕陪咗我30年，冇洗過，一攬住佢就會諗番最根本嘅自己，好掛住嫲嫲。」
長大好殘忍
二汶唱咗at17嘅《最難唱的情歌》同《最幸運的人》，送畀已故嘅好拍檔盧凱彤（Ellen）後，再分享「The Missing Piece」故事：「無論大家有幾配合，始終都有長大嘅一日，係好殘忍，但都係生命嘅美好。」二汶之後喺壓軸環節，分享15年為《玩轉腦朋友》（Inside out）配音嘅感受，佢話自己性格係同「阿樂」（Joy）一樣，不知「阿愁」（Sadness）係乜嘢：「最後終於知道乜嘢叫悲喜交集，成長就係一件咁嘅事，人生以後仲有好多事教我哋明白乜嘢叫『Joy』同『Sadness』。」
完騷後，二汶補充：「我嘅人生經歷豐富咗，『阿愁』終於出咗嚟，明白感受多咗，以前我係開開心心、嘻嘻哈哈，依家長大知道唔開心唔係咁得人驚，係可以並存。」問到佢台上忍到冇喊，佢話：「因為綵排已經崩潰咗多次，所以做騷嗰陣OK，事前做咗好多準備同練習。」提到揀歌專登送畀Ellen，佢話：「我以後演出嘅所有歌都係送畀佢，佢永遠都會喺度，永遠都係同我一齊，呢個舞台係唔會冇佢喺度。」
撰文：馮仁昭
回應 (0)
