新聞類別
娛樂
詳情#
【蘋果日報】現年63歲嘅周潤發一連三日台灣之行，佢呢次主要係宣傳電影《無雙》，但就變成帶動「全民運動」。發哥上周六抵台，周日即往大安森林公園晨跑，下午就從南港展覽館搭捷運到市政府站，全程貼地親民，又唔介意被集郵。發哥繼前日去陽明山後，噚日離開台灣前，依然朝早6點半去晨跑，大批傳媒守候。
傳媒跟住跑
問發哥去邊跑步？佢臨上車話：「你們就跟着我跑吧。」佢講笑話要跑去機場搭飛機，發哥嘅保母車直達陽明山，傳媒車隊隨後，天公造美，原本毛毛雨亦逐漸放晴。發哥同保鑣一齊上山前同傳媒約好：「我20分鐘後下山，你們在這裏等我。」部份傳媒跟發哥跑，發哥跑得快，折返撞番仍上山嘅傳媒，發哥笑住話：「每天都跑，你們就會跟我一樣健康！」發哥最後回到起點時大嗌：「等大家都到了補合影給你們！」
而喺發哥晨運團隊中被發現有《無雙》監製黃斌，佢其實喺電影《賭神》中，演過劉德華條(o靚)嘅「烏鴉」，網民笑言29年後，佢仍喺賭神身邊。網民仲話黃斌仲喺《旺角卡門》演過張學友「烏蠅」條(o靚)阿西。《無雙》內地票房收7億人仔，仲拎埋內地「十．一國慶」票房冠軍。
另外，發哥前晚去食台灣料理，食完返酒店，撞見同友人喺酒店見面嘅台灣製作人邱瓈寬，佢哋十幾年冇見，發哥仲叫寬姐返房傾偈，同時又教寬姐做運動有效控制糖尿病。
撰文：馮仁昭
傳媒跟住跑
問發哥去邊跑步？佢臨上車話：「你們就跟着我跑吧。」佢講笑話要跑去機場搭飛機，發哥嘅保母車直達陽明山，傳媒車隊隨後，天公造美，原本毛毛雨亦逐漸放晴。發哥同保鑣一齊上山前同傳媒約好：「我20分鐘後下山，你們在這裏等我。」部份傳媒跟發哥跑，發哥跑得快，折返撞番仍上山嘅傳媒，發哥笑住話：「每天都跑，你們就會跟我一樣健康！」發哥最後回到起點時大嗌：「等大家都到了補合影給你們！」
而喺發哥晨運團隊中被發現有《無雙》監製黃斌，佢其實喺電影《賭神》中，演過劉德華條(o靚)嘅「烏鴉」，網民笑言29年後，佢仍喺賭神身邊。網民仲話黃斌仲喺《旺角卡門》演過張學友「烏蠅」條(o靚)阿西。《無雙》內地票房收7億人仔，仲拎埋內地「十．一國慶」票房冠軍。
另外，發哥前晚去食台灣料理，食完返酒店，撞見同友人喺酒店見面嘅台灣製作人邱瓈寬，佢哋十幾年冇見，發哥仲叫寬姐返房傾偈，同時又教寬姐做運動有效控制糖尿病。
撰文：馮仁昭
回應 (0)
