Sammi首次出糧買鑽石

【蘋果日報】鄭秀文（Sammi）昨日到尖沙嘴出席首飾發佈會，並佩戴總值千二萬鑽飾亮相。她被問到老公許志安會否以鑽飾作禮物時，她只表示以女性來說自己的鑽飾不算多，最名貴一粒是贊助商所送。談到人生第一顆鑽石，她說：「二十幾年前，唱片公司第一次出糧畀自己，就買一粒嚟做紀念，價值四萬幾蚊。依家有時都會拎出嚟睇，當然就會覺得好細粒，但鑽石嘅價值唔係在於大細，而係對自己嘅意義。」她自言減少買衫改買鑽石保值。
另外，安仔原定昨日參與港鐵活動，但遇上港鐵四線癱瘓而取消，Sammi表示不知情。日前Sammi在Ig展示馬甲線，是練了幾個月的成果，暫時無刻意定下終極目標，她笑言跟安仔各有各練，安仔亦不輸蝕。
採訪：馬建華
攝影：沈健程