新聞類別
娛樂
詳情#
【蘋果日報】
甄志強（小強）當年戀上富婆趙金卿，因女尊男卑，加上知名度低，被外界以「二打六」形容，甄志強多年來已絕迹演藝圈，近日復出同麥翠嫻、雪梨、楊玉梅等人演出明年初公演嘅音樂劇《難兄難弟》，一眾人噚日就喺葵涌為音樂劇拍攝宣傳海報。身兼監製、編劇同演員嘅小強非常感激一班演員老友二話不說就答應支持，佢透露今次聯同一間芭蕾舞學校合作，將會有近二百位小朋友參與：「覺得現今小朋友只鍾意打機同上網，希望藉類似演出機會，令小朋友接觸唔同活動。今次門票部份收益撥捐香港健障護康會。」
養細路辛苦
問到小強近況，原來佢喺上海生活咗一段日子，今次要監製音樂劇多咗時間留喺香港，佢話：「上海嘅生意，因為某啲原因已經結束晒，所以依家就返嚟香港。返港後，發現香港好大轉變，好多人需要幫助同關心，閒時都會到深水埗派飯。」問到佢咁關心小朋友，會唔會已經榮升做咗爸爸？佢笑住話：「我都想做爹哋，依家有拍拖。」再問到有冇同女友有共識想生小朋友，小強就話：「我年紀過咗嗰個時間，要養一個小朋友都好辛苦。」
撰文：馮仁昭
甄志強（小強）當年戀上富婆趙金卿，因女尊男卑，加上知名度低，被外界以「二打六」形容，甄志強多年來已絕迹演藝圈，近日復出同麥翠嫻、雪梨、楊玉梅等人演出明年初公演嘅音樂劇《難兄難弟》，一眾人噚日就喺葵涌為音樂劇拍攝宣傳海報。身兼監製、編劇同演員嘅小強非常感激一班演員老友二話不說就答應支持，佢透露今次聯同一間芭蕾舞學校合作，將會有近二百位小朋友參與：「覺得現今小朋友只鍾意打機同上網，希望藉類似演出機會，令小朋友接觸唔同活動。今次門票部份收益撥捐香港健障護康會。」
養細路辛苦
問到小強近況，原來佢喺上海生活咗一段日子，今次要監製音樂劇多咗時間留喺香港，佢話：「上海嘅生意，因為某啲原因已經結束晒，所以依家就返嚟香港。返港後，發現香港好大轉變，好多人需要幫助同關心，閒時都會到深水埗派飯。」問到佢咁關心小朋友，會唔會已經榮升做咗爸爸？佢笑住話：「我都想做爹哋，依家有拍拖。」再問到有冇同女友有共識想生小朋友，小強就話：「我年紀過咗嗰個時間，要養一個小朋友都好辛苦。」
撰文：馮仁昭
回應 (0)
