新聞類別
娛樂
詳情#
【蘋果日報】女子組合Twins前晚喺澳門舉行演唱會，鍾欣潼（阿嬌）老公賴弘國（Michael）全程望住阿嬌又攞電話影相。Twins因為今年忙拍戲少咗時間見面，蔡卓妍（阿Sa）話：「上星期阿嬌send message話好掛住我，我當堂打個突，我哋平時都唔會講呢啲。」阿嬌笑住話：「我上完真人騷《爸媽學前班》之後開朗咗，要強迫對住一班陌生人，所以特別掛住你。」而喺同觀眾握手時，阿Sa突然大叫被fans指甲刮到左手手背甩皮：「你哋係咪淨係鍾意阿嬌，唔鍾意阿Sa㗎。」
余德丞集郵
完騷後，阿Sa話男友有嚟捧場，阿嬌就話：「我老爺奶奶都有嚟坐第一行。」阿嬌早前同老公一齊拍內地真人騷《爸媽學前班》，佢話：「起碼知道我老公會係一個好爸爸，好有耐性，不過我哋暫時冇計劃住，起碼兩年後。」講到演唱會場外有人將票尾高價轉讓，等冇票嘅歌迷可以入嚟睇半場，Twins覺得呢啲情況好難控制。阿Sa仲話自己撲飛都困難重重：「依家開演唱會訂飛冇內部認購真係好麻煩，身邊有好多auntie都託我訂華仔同學友嘅飛，我之前問老闆有冇辦法，點知老闆話佢都死，撲唔到飛。你諗吓我老闆都要死呀，咁我點搵到飛番嚟？」
另外，原來余德丞係Twins歌迷，佢孖馬天佑一齊去捧場，坐到第一行握手，仲得到阿Sa慰問：「咦，你好番喇，你要身體健康呀！」事後余德丞喺Ig晒後台合照。
撰文：馮仁昭
余德丞集郵
完騷後，阿Sa話男友有嚟捧場，阿嬌就話：「我老爺奶奶都有嚟坐第一行。」阿嬌早前同老公一齊拍內地真人騷《爸媽學前班》，佢話：「起碼知道我老公會係一個好爸爸，好有耐性，不過我哋暫時冇計劃住，起碼兩年後。」講到演唱會場外有人將票尾高價轉讓，等冇票嘅歌迷可以入嚟睇半場，Twins覺得呢啲情況好難控制。阿Sa仲話自己撲飛都困難重重：「依家開演唱會訂飛冇內部認購真係好麻煩，身邊有好多auntie都託我訂華仔同學友嘅飛，我之前問老闆有冇辦法，點知老闆話佢都死，撲唔到飛。你諗吓我老闆都要死呀，咁我點搵到飛番嚟？」
另外，原來余德丞係Twins歌迷，佢孖馬天佑一齊去捧場，坐到第一行握手，仲得到阿Sa慰問：「咦，你好番喇，你要身體健康呀！」事後余德丞喺Ig晒後台合照。
撰文：馮仁昭
回應 (0)
