新聞類別
娛樂
詳情#
【蘋果日報】
現年29歲嘅林芊妤（Coffee）今年6月同拍拖三年幾嘅男友翟志榮結婚，婚前已宣佈陀B嘅佢，噚日凌晨喺社交網上載醫院環境相，到噚日下午接受訪問時就透露囝囝已經出世，Coffee透過短訊回覆：「生咗，不過我好攰，唔想回應任何嘢住，聽日先講啦！
Coffee預產期喺今個月底，一直都想順產生B嘅佢，因為有胎盤前置問題，醫生早已預告開刀生嘅機會好大，前晚佢上載去朋友生日會嘅短片後，幾個鐘後再公開醫院房環境嘅短片，仲留言：「今晚要喺度瞓。」
BB健康出世就好
直至噚日朝早，Coffee再更新Ig：「都係等唔到順產，胎盤仲係前置，依家仲差2cm先夠位可以順產。本來諗住等吓等吓胎盤有機會會升上去，但因胎盤依家出血，應該要開刀。唔緊要BB健康出世就好，加油！我哋都要安安全全，呢幾日都要喺醫院瞓啦。
其實Coffee大肚後繼續做瑜伽，當中包括倒立動作，引來唔少網民質疑咁樣正唔正確，甚至有人批評Coffee要為BB設想，唔好再做高難度動作，但Coffee就表示醫生指冇問題，叫大家唔使擔心。
撰文：馮仁昭
現年29歲嘅林芊妤（Coffee）今年6月同拍拖三年幾嘅男友翟志榮結婚，婚前已宣佈陀B嘅佢，噚日凌晨喺社交網上載醫院環境相，到噚日下午接受訪問時就透露囝囝已經出世，Coffee透過短訊回覆：「生咗，不過我好攰，唔想回應任何嘢住，聽日先講啦！
Coffee預產期喺今個月底，一直都想順產生B嘅佢，因為有胎盤前置問題，醫生早已預告開刀生嘅機會好大，前晚佢上載去朋友生日會嘅短片後，幾個鐘後再公開醫院房環境嘅短片，仲留言：「今晚要喺度瞓。」
BB健康出世就好
直至噚日朝早，Coffee再更新Ig：「都係等唔到順產，胎盤仲係前置，依家仲差2cm先夠位可以順產。本來諗住等吓等吓胎盤有機會會升上去，但因胎盤依家出血，應該要開刀。唔緊要BB健康出世就好，加油！我哋都要安安全全，呢幾日都要喺醫院瞓啦。
其實Coffee大肚後繼續做瑜伽，當中包括倒立動作，引來唔少網民質疑咁樣正唔正確，甚至有人批評Coffee要為BB設想，唔好再做高難度動作，但Coffee就表示醫生指冇問題，叫大家唔使擔心。
撰文：馮仁昭
回應 (0)
