連續11年　跑輸新加坡

【蘋果日報】香港已連續11年跑輸新加坡！過去11年，新加坡在全球競爭力報告中，多數時間佔據三甲之內，惟香港在第6位至第11位間「浮游」。其中創新力細項中繼續「陀衰家」，今年僅得61.9分，全球排名第26位；反觀新加坡，此細項雖亦落後於台灣、日本及南韓，但排名第14位，得分較香港高。香港勞工市場效率方面，同樣稍為落後。
立法會資訊科技界議員莫乃光指，這是一個警號告訴政府創科的發展。他對結果不感意外，惟在勞工市場和僱員方面，評分遜色，「唔係淨係聽老闆講就得，其他國家着重勞工權益嚟吸引人才，政府資助公司提升生產力，但基本嘅員工權益當聽唔到，呢啲問題一直持續冇改善。」
「科研發展非一朝一夕」
經濟學者關焯照則預計，未來5至10年內亦不會見到本港創科評分有明顯好轉，「好似釣魚咁，魚餌落去要畀時間啲魚上吊；科研發展唔係一朝一夕，講緊20至30年，加上本地嘅科研發表文章不足，齋掟錢搞創科，唔代表評級就會上升！」
香港資訊科技商會榮譽會長方保橋謂，創新發展要多方面配合和支持。美國評分高，因為其為創造者，孕育出國際知名的初創企業Uber和Airbnb等；新加坡兼容性高，可以允許這些公司生存；香港政府要改變思維才會有突破的一天。