李亞男介紹婚姻輔導

【蘋果日報】苟芸慧和陸漢洋昨日在上水補辦婚禮，「處女黨」的岑麗香、李亞男及王君馨擔任姊妹團。圈中好友陳智燊與太太宋熙年、溫碧霞、鄭明明、胡杏兒夫婦、張嘉兒及馬德鐘等亦有到賀。
處女黨三位姊妹表示在婚宴會有分享環節，已懷孕七個月的亞男依然身手靈活，她笑說：「今次係第十次做姊妹，做埋今次可以退休，喺生B前完成晒，好感動。」問到會否與苟姑娘分享做人妻經驗，亞男笑說：「其實早前我同祖藍有見婚姻輔導，我哋就介紹畀佢哋兩公婆，點知佢哋好努力上堂，仲勤力過我同祖藍。」再問會否教她做財政大臣，王君馨則笑說：「我覺得佢都唔係好識睇錢，而且佢好多興趣，我哋反而教佢點儲錢。」姊妹團獨缺鍾嘉欣，她們就說：「已不斷將流程同傳相畀佢睇。」
身在溫哥華的鍾嘉欣接受《蘋果》訪問：「依家係溫哥華時間凌晨4點幾，我喺呢度祝福一對新人白頭到老、年生貴子、永結同心、幸福滿瀉。佢之前都過咗嚟溫哥華，我同BB，我已經送咗禮物畀佢喇。」
採訪：嵐山