【後輩不捨】小春跟岳華做人

【蘋果日報】岳華病逝，眾後輩都傷感回憶這位好前輩，「世姪女」欣宜昨日更回想2月見這位uncle的情景。
鄭欣宜：今年2月曾與岳華見面，大家一齊食點心，當日係我媽咪死忌。我有message佢個女，但唔敢騷擾auntie。
陳小春：同佢合作拍《樹大招風》時，佢好有耐性教我哋，作為後輩，我覺得佢演戲同做人道理都值得學習。
蔡少芬：我一諗起又忍唔住喊。佢真係好有風度又真誠又紳士！又敬業！我真係真係好唔捨得佢。
鄧萃雯：我知道佢有病，我有擔心。生命好無常，聽到呢個消息真係好難過。
黎耀祥：拍《巾幗》時，第一套擔正啦，嗰陣佢都會畀好多意見，幫你解決拍攝上嘅問題。
李婉華：我拍第一部電視劇《旭日背後》，佢就係飾演我爸爸，每次我見到佢，佢都話：見到我仲唔叫爸爸？
馬海倫：好好先生，女兒係佢命根，乜都為女兒，連劇中兒女都非常錫。不過，人到最後都係要走。