【娛樂人物】鄧月平林耀聲　女神真面目

【蘋果日報】鄧月平與林耀聲，前者是宅男女神，後者則將「運動女神」張沛樂（沙律）私有化，與這兩位俊男美女做訪問，話題亦先由女神開始。鄧月平坦言女神都是人，反而林耀聲就一副當「兵」的口脗：「女神連去屙屎都係靚！」明冧女友。
撰文：如文
攝影：沈健程
鄧月平和林耀聲早前接受《蘋果》訪問，擁有36F身材的鄧月平是不少宅男眼中的女神，林耀聲則有個女神級女友沙律，兩人最近在新片《起底組》首次合作，其實他們心目中的女神又是怎樣呢？鄧月平說：「外界覺得女神係好溫柔又有氣質嘅女仔，女神係唔會屙屎。」她覺得女神亦應該有人性化一面：「但係我今次盡現女神最真實嘅一面，無論男定女，都有佢醜態嘅一面，女神都會頴腳趾啦。」
連屙屎都係靚
至於身為男士的林耀聲，似乎說出了一眾宅男的心聲，更似對女友的表白，他說：「我心目中嘅女神得好處冇壞處，你鍾意個女仔，乜都係好，連去屙屎都係靚，屙屎都可以好優雅，乜都係最正。」話音未落，在旁的鄧月平不禁笑說︰「我即刻諗到個畫面係沙律。」
鄧月平與林耀聲在現場不時互窒，很有火花，例如林耀聲會投訴鄧月平︰「佢成日爆肚，人哋都唔知點接。」豈料鄧月平即時還擊︰「你成日創作啲新對白，導演都話你鍾意呀！」不過二人常爆肚，原來是導演薛可正的要求。鄧月平說：「導演好歡迎我哋去創造一啲新嘅對白出嚟，例如佢會忽然話呢度甩隻鞋得唔得？我話嚟啦，你鍾意就嚟啦。」原來戲中她飾演非一般的女神，所以需要爆肚，「呢個女神巴巴渣渣，因為呢個角色同外界心目中女神有分別。」
猥瑣樣得人驚
雖然鄧月平好像嘴巴不饒人，不過她都自認不及拍檔游學修（阿修），她笑說：「講爆肚我就唔及阿修，阿修嘅爆肚係直接爆Stephy（鄧麗欣），好好笑。」林耀聲亦附和，取笑游學修：「佢成日爆一啲令人無法理解，同埋唔知點接嘅對白。」鄧月平又指游學修在戲中十分難頂：「真係好誇張，戲入面佢講嘢係黐脷筋，仲要好猥瑣咁望住我，我真係有啲驚，我叫佢唔好咁，導演話呢啲真反應最好睇。」
入得娛樂圈，難免會被人偷拍、起底。現實中，林耀聲女友沙律曾是苦主，但林耀聲相當看得開：「唔會唔高興，做得呢行都想俾人知你仲存在，冇人搵你就驚。」入行已十年的林耀聲，坦言即使自己被起底亦無感覺：「畢竟做呢行，人哋想知你係邊個，有人起係好事，因為有人想知你嘅嘢。」
做爆衫女侍應遭起底
鄧月平在新片中飾演一名活躍網上討論區的女子，某日見到解款車錢箱跌出馬路被市民執錢的新聞，而捲入這宗起底事件。兩年前，參加《美選D.n.A》的鄧月平曾被起底，遭踢爆於食肆當侍應，更因為擁有豐滿上圍、身穿白色恤衫透出深色內衣，被形容是「爆衫女侍應」。對於當年被起底一事，鄧月平指已成過去：「嗰陣係有啲唔開心，我自己就唔會專注喺網絡世界，我想自己係用作品說話嘅演員，我會朝呢個方向行。」
化妝、髮型：Carmen Chung（林耀聲）