【馮仁昭四圍超】岑寧兒盼新碟順利開賣

【蘋果日報】岑寧兒噚日到商台宣傳下月尾喺麥花臣場館舉行嘅演唱會，佢話依家最緊張係希望新碟可以如期喺演唱會上發售，佢話：「我可以做嘅部份已經全部做晒，例如錄歌、影相，餘下部份冇乜嘢可以做到，惟有捐吓錢做吓善事，希望一切順順利利。」
至於演唱會上會唔會唱盧凱彤嘅歌做紀念，岑寧兒就話之前喺音樂節度試唱過，但係唱唔到，依家仍諗緊用乜嘢方法去做，但暫時未有結論。
撰文：馮仁昭