新聞類別
娛樂
詳情#
【蘋果日報】李佳芯憑劇集《BB來了》爆喊演技，被無綫力捧而成今年視后大熱，佢出席活動嘅頻率亦係新晉花旦之冠。不過，唔使開工嗰陣，佢一定抽時間陪愛犬「豆豉」。日前喺佢將軍澳寓所附近嘅公園，就撞到佢放狗。嗰日佢素顏兼戴住cap帽，一身casual wear，不過白色外套襯紅褲，顏色好搶眼，但全程都唔見佢男友陳炳銓。
豪邁擘髀坐
佢同拍拖三年嘅男友陳炳銓感情好穩定，舊年仲養咗狗狗「豆豉」，「豆豉」一到埗已經狂跑，好鬼活躍，李佳芯畀隻狗周圍跑周圍玩，自己就坐側邊睇住，不過，李佳芯放狗時坐姿都幾豪邁，擘晒髀。佢見有啲狗主行過就同人傾偈，交流吓養狗心得。之後見「豆豉」追住其他狗仔互吠，李佳芯即刻喝停佢，「豆豉」亦好聽話，女主人一聲「No！」佢即刻停低唔敢郁。
當日所見，李佳芯同啲街坊好熟，不時打招呼，班街坊見到狗女，都嗌：「豆豉嚟㗎喎。」而身為狗主嘅佢亦好有公德心，狗狗便便後，佢都有執番啲便便同沖水，其間李佳芯不時餵「豆豉」飲水又摸吓佢，同隻狗好多互動，佢前前後後喺公園逗留咗一個鐘就返歸。
撰文：馮仁昭
豪邁擘髀坐
佢同拍拖三年嘅男友陳炳銓感情好穩定，舊年仲養咗狗狗「豆豉」，「豆豉」一到埗已經狂跑，好鬼活躍，李佳芯畀隻狗周圍跑周圍玩，自己就坐側邊睇住，不過，李佳芯放狗時坐姿都幾豪邁，擘晒髀。佢見有啲狗主行過就同人傾偈，交流吓養狗心得。之後見「豆豉」追住其他狗仔互吠，李佳芯即刻喝停佢，「豆豉」亦好聽話，女主人一聲「No！」佢即刻停低唔敢郁。
當日所見，李佳芯同啲街坊好熟，不時打招呼，班街坊見到狗女，都嗌：「豆豉嚟㗎喎。」而身為狗主嘅佢亦好有公德心，狗狗便便後，佢都有執番啲便便同沖水，其間李佳芯不時餵「豆豉」飲水又摸吓佢，同隻狗好多互動，佢前前後後喺公園逗留咗一個鐘就返歸。
撰文：馮仁昭
回應 (0)
