霆鋒未帶王菲見家長

【蘋果日報】四哥一生感情兜兜轉轉，其子謝霆鋒亦然，與王菲已復合四年，有指霆鋒很愛王菲，四哥說：「呢樣唔好問我，我恭喜佢就得喇！」不過就大爆霆鋒原來未帶王菲見家長：「從來未見過，因為佢嘅私事都唔想經過老竇，唔通我搵個女朋友，又問佢正唔正喎。」那麼他會否希望霆鋒再婚？四哥笑說：「關我鬼事咩！我從來做老竇，唔會用呢啲權力去講嘢，如果佢有鍾意嘅人咪一齊，唔鍾意咪拜拜。」
其實四哥對霆鋒前妻張栢芝印象不錯，讚她識教仔：「栢芝係我一個好錫嘅人，佢對兩個細路仔幾好，好難㗎！佢教得好好，有時我睇到佢，我都有啲眼淚。」對於傳聞栢芝好少讓兩老見孫仔，四哥代她平反：「有時兩個禮拜，有時一個禮拜見吓，我都係去霆鋒度睇佢哋，總之兩個孫去霆鋒度，司機就會同我講。」