要女兒守護爸爸

【蘋果日報】每拍一部作品，鮑起靜坦言最開心是令她對人生有更多的體會。她的第一部台灣電影《生生》，下周五在港上映不但探討生命，還有關母女情，她對生命有另一番體會︰「喺戲中試過距離死亡倒數三個月，依家對生死坦然啲，冇咁驚，我好鍾意喺醫院同個女告別嗰場，嗰刻佢先喺個女面前表露軟弱一面，呢場好人性化，好感人。」
踏入70，眼看身邊的好友相繼離世，鮑姐突然覺得離死亡很近，更有話要對女兒說︰「囡囡，如果爹哋走先，媽咪沒問題，但如果媽咪走先，剩番爹哋，你一定要照顧佢，因為爹哋自小就係個驕傲嘅人，你千祈唔可以掟佢去老人院，幾時我都為佢諗多啲。」愛到生離死別仍是愛，鮑姐一生最自豪的，就是守得住自己的愛情。