子女訪柬埔寨染病徐子淇：唔覺大問題

【蘋果日報】徐子淇前晚以智行基金會親善大使身份在尖沙嘴出席慈善籌款晚會，老公李家誠亦現身支持，同場還有鄺文珣、汪詩詩、汪圓圓等。徐子淇憶述十年前到安徽探訪一個家庭的經歷：「好貧窮，爸爸去賣血，感染愛滋病，成條村都怕咗佢，爸爸受唔住自殺，媽媽又有重病，今次見番佢哋，我好開心，細佬讀書成績幾好，就嚟考大學，姐姐有自己家庭。」
徐子淇希望外界不要對愛滋病有誤解，因為她曾帶該兩姊弟參觀大學，當時在飯堂有學生想趕他們離開，校長雖然阻止，但卻轉用即棄餐具，這些都是誤解行為，其實正常生活是不會受感染。
條河好多菌
提到早前帶三名子女到柬埔寨探訪，返港後都分別感染沙門氏菌和手足口病，徐子淇說：「係呀！當地係比較污糟，因為佢哋排泄、所有嘢都喺同一條河，佢哋又住喺嗰條河，所以有好多細菌，但係去呢啲地方，又唔想呢樣唔掂嗰樣唔掂，你咁樣唔係真係體驗到佢哋嘅生活，所以我又唔覺得大問題，呢個經驗好寶貴。世界上好多嘢佢哋都未見過，我希望佢哋能夠擴闊視野，其實今晚佢哋都嚟咗幫手做義賣。」
採訪：黃曉妍
攝影：仇志德