新聞類別
娛樂
詳情#
【蘋果日報】前亞姐鄭伊娜（Ena）同唱作歌手潘敬祖（Felix）日前喺沖繩一間白色小教堂完成童話式世紀婚禮，一對新人喺前一晚擇吉時上頭，第二朝以傳統中式禮節接新娘，下午就喺教堂舉行西式浪漫婚禮，晚上再喺酒店以日式造型設宴招待親朋。
完成婚禮儀式後，Ena冧爆話：「以後大家要叫我做潘太喇！好多謝老公Felix為我安排咁完美嘅夢幻婚禮，畀我同屋企人有個咁美好嘅回憶。」Ena自爆過程中有幾次感動到眼濕濕：「媽媽幫我蓋頭紗、爸爸拖住我進場、神父為我哋送上神聖祝福、我哋對住對方講『Yes, I do』、交換戒指，同所有親友講感言，一直忍住眼淚，直到老公最後喺教堂牽住我隻手，望住我唱咗一首最動聽嘅歌，我終於忍唔住流出開心感動嘅眼淚。好感恩所有最愛我嘅人從世界各地、瑞典、馬來西亞、香港等，都飛到沖繩見證我最美麗嘅時刻，我哋嘅婚禮，衷心多謝大家！」
新郎Felix嘅一番感言，雖然簡單但充滿愛：「對我嚟講，搵到生命中最愛，成家立業，係人生重要成就，多謝太太、家人同一班好兄弟姊妹嘅支持同協助，為我同Ena順利創造理想婚禮，感謝大家對我哋嘅愛同祝福，我哋會永遠幸福快樂！」
可嵐接花球
原來可嵐係一對新人嘅紅娘，佢都有做姊妹，Ena好感激幾位好姊妹落力幫婚禮打點，Ena開心話：「可嵐接到幸福花球，好快就會到佢喇！祝佢快快遇上真命天子，幸福美滿。」
撰文：馮仁昭
完成婚禮儀式後，Ena冧爆話：「以後大家要叫我做潘太喇！好多謝老公Felix為我安排咁完美嘅夢幻婚禮，畀我同屋企人有個咁美好嘅回憶。」Ena自爆過程中有幾次感動到眼濕濕：「媽媽幫我蓋頭紗、爸爸拖住我進場、神父為我哋送上神聖祝福、我哋對住對方講『Yes, I do』、交換戒指，同所有親友講感言，一直忍住眼淚，直到老公最後喺教堂牽住我隻手，望住我唱咗一首最動聽嘅歌，我終於忍唔住流出開心感動嘅眼淚。好感恩所有最愛我嘅人從世界各地、瑞典、馬來西亞、香港等，都飛到沖繩見證我最美麗嘅時刻，我哋嘅婚禮，衷心多謝大家！」
新郎Felix嘅一番感言，雖然簡單但充滿愛：「對我嚟講，搵到生命中最愛，成家立業，係人生重要成就，多謝太太、家人同一班好兄弟姊妹嘅支持同協助，為我同Ena順利創造理想婚禮，感謝大家對我哋嘅愛同祝福，我哋會永遠幸福快樂！」
可嵐接花球
原來可嵐係一對新人嘅紅娘，佢都有做姊妹，Ena好感激幾位好姊妹落力幫婚禮打點，Ena開心話：「可嵐接到幸福花球，好快就會到佢喇！祝佢快快遇上真命天子，幸福美滿。」
撰文：馮仁昭
回應 (0)
