設計師繼承父業　開拓男裝零售製衣廠變出生機

【蘋果日報】【財經專題】秋意漸濃、內地經濟寒風將至，中國10月份官方製造業PMI降至50.2，創27個月新低。貿易戰、加上內地製造業成本上漲、屢鬧工人荒，早已令內地設廠的港商叫苦連天。面對經營困難，有人坐以待斃，但L.I.M.I.T.E創辦人陸嘉榮（Calvin）則選擇替父親的工廠開設副線，意圖絕處逢生。
記者：李芷珊
在家人開製衣廠下，Calvin自小對時裝產生興趣，長大後亦完夢做時裝設計師，但面對一個艱難抉擇：繼續作為時裝設計師奮鬥，還是辭職接手家業，讓年老、身體欠佳的爸爸退下來。「內心非常之掙扎，因為做時裝設計師係我嘅夢想」，最終Calvin辭職到內地清遠的製衣廠工作。
由時裝設計師去學做一間有三、四百個員工的工廠老闆，Calvin坦言壓力跟打工仔差天共地，幸好接手後慢慢適應、做出成績，生意一年有20%至30%增長。惟好景不常，工廠因合作夥伴的稅務問題遭受無妄之災，客人取消定單令該年生意額跌了八至九成，「以前就我發啲單畀人哋幫手加工，現時冇晒單都冇辦法，我就逐間廠拍門，問佢哋有冇單畀我幫手去加工」。經此一役，工廠「瘦身」至剩下百二、百三人。
研遷廠越南　未達要求
捱了半年，工廠終獲批文件以證清白，生意重返正軌，惟Calvin沒增聘人手，「嗰陣做廠難、現時仲難」。與其他廠商一樣，請人永遠都是一個問題，「間間廠都會去爭人，同埋冇咩人願意入行去做廠」。另外，OEM廠在客戶的產品研發過程只屬較被動角色，議價能力較低，總面對客人壓低價錢、定單款多量少致利潤驟降等傳統問題，「真係被人牽住個鼻行」。
Calvin曾經研究過將工廠遷至越南的可能，但發現當地配套達不到要求，「工人做唔到啲太複雜嘅款，同埋我哋啲衫要洗水，洗水嗰邊嘅水質，始終都冇廣東嗰邊咁好，出到嚟嘅效果未必做到我哋嘅要求」。
苦苦思量工廠出路，Calvin的朋友有次看中一條褲，卻因價錢思量很久、最終放棄購買，突然激發他自立品牌的念頭。考慮到開設自己的品牌，可為工廠帶來穩定生意，同時工廠又做到有質素保證和價錢合理的產品，有助品牌打入市場，如此一算確是相得益彰。於是他抓緊時間，花了約半年籌備L.I.M.I.T.E，便將品牌推出。
L.I.M.I.T.E主打街頭風的男裝，每件售價大多以400、500元起跳。他指創立品牌初期，要不斷留意市場動態，更傷腦筋的是品牌推廣。半年前於誠品尖沙嘴店開Pop up store，小試牛刀投資約十萬，為期約一個半月，所賺利潤不多，旨在增加品牌曝光率。努力兩年，終獲旺角中心邀請品牌進駐。問到爸爸對他的表現有何評價，他最初靦腆說沒有，細問之下才笑說「為我感到自豪」。Calvin帶挈工廠有轉機之餘，也讓自己能繼續追尋心中的時裝夢。