新聞類別
港聞
詳情#
【蘋果日報】有人說共濟會（Freemasonry）是世界最大的秘密組織；有人說它是邪教，入會要被火燒、藤鞭；有指它企圖支配世界，法國大革命、以色列復國都由它促成，歷屆美國總統包括特朗普都是會員。共濟會作風神秘，在香港半山的會址四面密封，來人身份保密，要靠暗號識別。「每10年都有人咁講我哋，哈哈哈！」對種種傳言，共濟會香港總舵主黃匡源早習以為常。
記者：程子由
黃匡源表示，其實共濟會源於英國，有300多年歷史，最初由石匠組成，後來遍及西方上流社會，是傳統「兄弟幫」，只接受男會員，「我哋神秘，係因為以前乜都唔講，唔使答就最容易，因為都唔識點答」。但今時不同往日，黃匡源願揭開神秘面紗，唯獨暗語有保留，「講晒出嚟，仲有乜嘢驚喜呀？」
半山總部 四面密封
共濟會的香港總部，原位於現時新世界大廈，但二次世界大戰時被日軍炸毀，在1950年遷往半山堅尼地道1號至今，名叫雍仁會館。矮矮的一幢3層高米色建築物，外形四方，四面密封，不算顯眼。門上刻有一個圓規和曲尺的標誌，下方有塊雲石碑，寫有「Masonic Hall」（石匠會所）。甫入內，經過走廊後，左邊是小酒廊，放有幾張沙發，右邊是過千方呎的宴會廳，中間餐桌放有自助餐的食物，盡頭是3個歐洲風格的彩色玻璃窗，充滿古典氣派。每逢午飯時間，宴會廳幾乎滿座，席間破例可有女士，「平時只招待會員，但中午時間，就係公眾開放，所有人都可以入嚟」。
共濟會源於英國，有300多年歷史，分英格蘭、愛爾蘭及蘇格蘭三大支派，支派下還有不同的分會，前立法局會計界功能組別議員黃匡源出任英格蘭分支，為香港最高代表已20年，「1841年香港開埠，1844年便有第一個分會，至今大約有30個分會」。今年已74歲的黃匡源，25歲在英國大學畢業回港，便加入共濟會，背後全因他父親黃秉章。
黃秉章在會計界非常有名氣，是關黃陳方會計師樓創辦人之一。早年留學英國，回港黃秉章任職陳乙明會計師事務所，為70年代香港規模最大、聲譽最好的華人會計師事務所，1997年與德勤合併，成為四大國際會計師事務所之一。
全男班 港成員2,000名
「以前共濟會只有英國人，我爸爸係第一代入會嘅華人」，黃匡源記得，自己7、8歲時，每個星期日都會去一次共濟會，「爸爸逢星期日朝早10點半綵排開會，12點半媽媽就派我入嚟，叫爸爸返去食飯，所以我一路都知道有個咁嘅會，但做乜就冇人知」。他記得爸爸每次開會都會着禮服、打煲呔，受爸爸影響，黃匡源1970年便加入共濟會，「當時係爸爸提名叫我入會，佢想我入，我又想入，身邊嘅人多數都係共濟會，我一入會，一大半嘅人都識」。
全球現時已有40多個共濟會國際分會，會員超過500萬人。在歐美，作曲家莫札特、貝多芬、英國前首相邱吉爾、華盛頓、羅斯福等14任美國總統都是著名的共濟會會員。在香港，歷代出名的會員包括港督羅便臣、麥當奴及卜公、前首席大法官楊鐵樑、已故希慎集團主席利銘澤、夏利里拉家族多位成員、國泰航空創辦人何啟、馬會前副主席周湛燊等，個個都是地位顯赫的猛人。現時會員約有2,000名，多做生意、律師、會計師、工程師等專業人士，「我個分會規定要有大學學位先可以加入，因為開會要用英文交談，所以多數係專業人士」。
有傳聞指會員要將身份保密，不能公開，其實是誤會一場，「我哋 respect the privacy（尊重私隱），唔係特別保密，佢想講就講」。黃匡源又指，當有利益衝突時，會員都要主動公開身份。雖然會員個個都是社會上流人士，但原來入會費約2,000元，每年續會3、4,000元。不過，想入會並不容易，要自行游說兩個共濟會會員推薦，才可入紙申請，再要經過會員投票，「開會每人拎一個voting ball，一個黑波、一個白波，黑波反對，白波贊成，有一個黑波就麻煩」。現時每年約有8、90個新人加入共濟會。
須信教 黑白波投票入會
坊間傳聞又指，入會儀式恐怖，要被藤鞭、落火圈，「哈哈，其實只係敲門入房，講自己點解想入會、有冇宗教信仰、係咪一個自由嘅人，因為以前有奴隸制度」。共濟會堅持不論佛教、基督教、天主教，會員一定要有一個宗教，「呢個係我哋嘅傳統，one way to decide your moral standard（判斷道德標準一種方法）」；因為這種堅持，共濟會常被誤當邪教組織，「今日好多教會都反對我哋，以為我哋係要取代教會，其實以前歐洲禁宗教組織，禁得好厲害，共濟會唔係宗教組織，所以可以畀人聚集，討論最新嘅醫學、物理」。
入會後，最重要的兩條會規是不可講政治、不可講宗教，「因為呢兩樣一講就嗌交，嗌唔完。生意都唔應該傾，入會只係想happy」。
雍仁會館的二樓擺放數百個貯物櫃，內裏全是制服，「你一入會我哋就會送一套畀你，開會時最好就着」。三樓有一間大禮堂，是平日開會的地方，門上有圓規、曲尺標誌，天花板佈滿星星、月亮及太陽；房的四邊放了一排排木椅，木椅中間有一張大木椅，前後兩邊的大木椅前有一張枱，放有槌子、聖經。黃匡源指，所有分會每月都會在此開一次會，除了舉辦入會儀式外，開會都討論會員升級，「第一級係Entered Apprentice，第二級就係Fellow Craft，第三級Master Mason，大多數都要10年先做到Master」。
黃匡源表示，共濟會的宗旨是「How to make a good man better」（如何令一個好人更好），會徽上的曲尺代表要實際做人，圓規代表係要量度自己的對錯，都是關於道德，「入會有本講道德嘅書畀你睇，你要讀，升級時要考試」。
除了道德外，會員要升級，就要熟讀共濟會的最大秘密──暗號，「以前做石匠啲工人唔識字，又要去唔同嘅地方起教堂，咁點證明自己係邊一級嘅石匠呢？就係靠出糧糧單上嘅暗號」，現在所有會員識字，但仍沿用這套暗號去證明自己身份。這套暗號全球通行，但不鼓勵會員公開使用，「應該留番喺開會房，要升級或者確認身份時用，考級時會考你有冇記熟晒所有暗號」；這些暗號，是共濟會的最大秘密，黃匡源堅持不可公開。
記者：程子由
黃匡源表示，其實共濟會源於英國，有300多年歷史，最初由石匠組成，後來遍及西方上流社會，是傳統「兄弟幫」，只接受男會員，「我哋神秘，係因為以前乜都唔講，唔使答就最容易，因為都唔識點答」。但今時不同往日，黃匡源願揭開神秘面紗，唯獨暗語有保留，「講晒出嚟，仲有乜嘢驚喜呀？」
半山總部 四面密封
共濟會的香港總部，原位於現時新世界大廈，但二次世界大戰時被日軍炸毀，在1950年遷往半山堅尼地道1號至今，名叫雍仁會館。矮矮的一幢3層高米色建築物，外形四方，四面密封，不算顯眼。門上刻有一個圓規和曲尺的標誌，下方有塊雲石碑，寫有「Masonic Hall」（石匠會所）。甫入內，經過走廊後，左邊是小酒廊，放有幾張沙發，右邊是過千方呎的宴會廳，中間餐桌放有自助餐的食物，盡頭是3個歐洲風格的彩色玻璃窗，充滿古典氣派。每逢午飯時間，宴會廳幾乎滿座，席間破例可有女士，「平時只招待會員，但中午時間，就係公眾開放，所有人都可以入嚟」。
共濟會源於英國，有300多年歷史，分英格蘭、愛爾蘭及蘇格蘭三大支派，支派下還有不同的分會，前立法局會計界功能組別議員黃匡源出任英格蘭分支，為香港最高代表已20年，「1841年香港開埠，1844年便有第一個分會，至今大約有30個分會」。今年已74歲的黃匡源，25歲在英國大學畢業回港，便加入共濟會，背後全因他父親黃秉章。
黃秉章在會計界非常有名氣，是關黃陳方會計師樓創辦人之一。早年留學英國，回港黃秉章任職陳乙明會計師事務所，為70年代香港規模最大、聲譽最好的華人會計師事務所，1997年與德勤合併，成為四大國際會計師事務所之一。
全男班 港成員2,000名
「以前共濟會只有英國人，我爸爸係第一代入會嘅華人」，黃匡源記得，自己7、8歲時，每個星期日都會去一次共濟會，「爸爸逢星期日朝早10點半綵排開會，12點半媽媽就派我入嚟，叫爸爸返去食飯，所以我一路都知道有個咁嘅會，但做乜就冇人知」。他記得爸爸每次開會都會着禮服、打煲呔，受爸爸影響，黃匡源1970年便加入共濟會，「當時係爸爸提名叫我入會，佢想我入，我又想入，身邊嘅人多數都係共濟會，我一入會，一大半嘅人都識」。
全球現時已有40多個共濟會國際分會，會員超過500萬人。在歐美，作曲家莫札特、貝多芬、英國前首相邱吉爾、華盛頓、羅斯福等14任美國總統都是著名的共濟會會員。在香港，歷代出名的會員包括港督羅便臣、麥當奴及卜公、前首席大法官楊鐵樑、已故希慎集團主席利銘澤、夏利里拉家族多位成員、國泰航空創辦人何啟、馬會前副主席周湛燊等，個個都是地位顯赫的猛人。現時會員約有2,000名，多做生意、律師、會計師、工程師等專業人士，「我個分會規定要有大學學位先可以加入，因為開會要用英文交談，所以多數係專業人士」。
有傳聞指會員要將身份保密，不能公開，其實是誤會一場，「我哋 respect the privacy（尊重私隱），唔係特別保密，佢想講就講」。黃匡源又指，當有利益衝突時，會員都要主動公開身份。雖然會員個個都是社會上流人士，但原來入會費約2,000元，每年續會3、4,000元。不過，想入會並不容易，要自行游說兩個共濟會會員推薦，才可入紙申請，再要經過會員投票，「開會每人拎一個voting ball，一個黑波、一個白波，黑波反對，白波贊成，有一個黑波就麻煩」。現時每年約有8、90個新人加入共濟會。
須信教 黑白波投票入會
坊間傳聞又指，入會儀式恐怖，要被藤鞭、落火圈，「哈哈，其實只係敲門入房，講自己點解想入會、有冇宗教信仰、係咪一個自由嘅人，因為以前有奴隸制度」。共濟會堅持不論佛教、基督教、天主教，會員一定要有一個宗教，「呢個係我哋嘅傳統，one way to decide your moral standard（判斷道德標準一種方法）」；因為這種堅持，共濟會常被誤當邪教組織，「今日好多教會都反對我哋，以為我哋係要取代教會，其實以前歐洲禁宗教組織，禁得好厲害，共濟會唔係宗教組織，所以可以畀人聚集，討論最新嘅醫學、物理」。
入會後，最重要的兩條會規是不可講政治、不可講宗教，「因為呢兩樣一講就嗌交，嗌唔完。生意都唔應該傾，入會只係想happy」。
雍仁會館的二樓擺放數百個貯物櫃，內裏全是制服，「你一入會我哋就會送一套畀你，開會時最好就着」。三樓有一間大禮堂，是平日開會的地方，門上有圓規、曲尺標誌，天花板佈滿星星、月亮及太陽；房的四邊放了一排排木椅，木椅中間有一張大木椅，前後兩邊的大木椅前有一張枱，放有槌子、聖經。黃匡源指，所有分會每月都會在此開一次會，除了舉辦入會儀式外，開會都討論會員升級，「第一級係Entered Apprentice，第二級就係Fellow Craft，第三級Master Mason，大多數都要10年先做到Master」。
黃匡源表示，共濟會的宗旨是「How to make a good man better」（如何令一個好人更好），會徽上的曲尺代表要實際做人，圓規代表係要量度自己的對錯，都是關於道德，「入會有本講道德嘅書畀你睇，你要讀，升級時要考試」。
除了道德外，會員要升級，就要熟讀共濟會的最大秘密──暗號，「以前做石匠啲工人唔識字，又要去唔同嘅地方起教堂，咁點證明自己係邊一級嘅石匠呢？就係靠出糧糧單上嘅暗號」，現在所有會員識字，但仍沿用這套暗號去證明自己身份。這套暗號全球通行，但不鼓勵會員公開使用，「應該留番喺開會房，要升級或者確認身份時用，考級時會考你有冇記熟晒所有暗號」；這些暗號，是共濟會的最大秘密，黃匡源堅持不可公開。
回應 (0)
