新聞類別
娛樂
詳情#
【蘋果日報】黎明（Leon）和前妻樂基兒（Gaile）昨日前後腳出席活動，早上10時許，Leon以公益金名譽副會長身份參與公益金50周年活動。至於日前宣佈懷孕的Gaile，則於黃昏6時出席時裝品牌活動。不過，Leon昨日未有受訪，有傳媒邊行邊問他知否Gaile懷孕及會否送祝福？但Leon未知是否因現場太吵聽不到，還是有意「左耳入右耳出」，最後都未有回應。
陀復活節BB
Leon昨日看來心情大靚，活動前不時與嘉賓們玩自拍，上台後更風趣表示：「首先要學啲前輩做嘢，上台講嘢前要除太陽眼鏡。」然後再說：「加入公益金以嚟一步一步學習，跟好多前輩做，前輩畀支棒我哋上山下海去籌款，過程中幫到好多香港市民。」他又說：「我都曾經係新人，我會將我嘅經驗分享畀新人聽。」
Gaile昨晚則穿上白色連身裙襯一對兩吋高的長靴現身，心情靚靚的她做心形手勢放肚皮讓記者影相。問到想生囝囝還是囡囡？Gaile坦言較喜歡囡囡，因為可以替她扮靚，但老公沒所謂，又指老公很支持她。Gaile說：「我哋暑假開始努力，所以今次懷孕唔係意外，依家四個月，預產期係明年四月尾，係復活節BB。」懷孕後，Gaile指目前體重上升2.5kg，她說：「下星期知道BB性別，好彩陀BB都冇乜嘔，但覺得自己好似老咗啲。」問她打算在香港還是美國生？Gaile稱仍未決定：「有睇一啲video，都想喺水中生，好似舒服啲，有人同你按摩，但自己想法成日變。」
唔同前夫比較
提到前夫Leon未有回應她懷孕一事，Gaile則說：「That's OK！唔可以expect人，解答人哋嘅嘢！」會找Leon交流一下？她表示之前上了一個產前護理課程，又說：「自己有兩個no，家長之間唔好比較，要信自己嗰套，唔好問人太多意見，可以問對鞋喺邊度買，但唔好問點湊大BB，要靠自己。」
採訪：曹家誠、羅慧敏
攝影：葉君海、陳慧安
陀復活節BB
Leon昨日看來心情大靚，活動前不時與嘉賓們玩自拍，上台後更風趣表示：「首先要學啲前輩做嘢，上台講嘢前要除太陽眼鏡。」然後再說：「加入公益金以嚟一步一步學習，跟好多前輩做，前輩畀支棒我哋上山下海去籌款，過程中幫到好多香港市民。」他又說：「我都曾經係新人，我會將我嘅經驗分享畀新人聽。」
Gaile昨晚則穿上白色連身裙襯一對兩吋高的長靴現身，心情靚靚的她做心形手勢放肚皮讓記者影相。問到想生囝囝還是囡囡？Gaile坦言較喜歡囡囡，因為可以替她扮靚，但老公沒所謂，又指老公很支持她。Gaile說：「我哋暑假開始努力，所以今次懷孕唔係意外，依家四個月，預產期係明年四月尾，係復活節BB。」懷孕後，Gaile指目前體重上升2.5kg，她說：「下星期知道BB性別，好彩陀BB都冇乜嘔，但覺得自己好似老咗啲。」問她打算在香港還是美國生？Gaile稱仍未決定：「有睇一啲video，都想喺水中生，好似舒服啲，有人同你按摩，但自己想法成日變。」
唔同前夫比較
提到前夫Leon未有回應她懷孕一事，Gaile則說：「That's OK！唔可以expect人，解答人哋嘅嘢！」會找Leon交流一下？她表示之前上了一個產前護理課程，又說：「自己有兩個no，家長之間唔好比較，要信自己嗰套，唔好問人太多意見，可以問對鞋喺邊度買，但唔好問點湊大BB，要靠自己。」
採訪：曹家誠、羅慧敏
攝影：葉君海、陳慧安
回應 (0)
