黃芷晴指媽咪抵抗力低

【蘋果日報】黃日華太太梁潔華在13年患上急性骨髓性白血病，經過治療後康復，不過日前有報道指梁潔華舊病復發，經常出入醫院，黃日華停工照顧太太。黃日華與梁潔華的女兒黃芷晴，昨日在中環出席活動，談到媽咪目前的情況，她神情輕鬆地說：「梗係唔係，只係去覆診，一星期keep住去一、兩次，因為媽咪血嘅指數比平常人冇咁穩定，所以要定期check住。」
芷晴表示媽咪情況很穩定，但因為抵抗力低，大部份時間在家休息，至於媽咪何時完全康復？芷晴坦言：「要問醫生，又唔係啲乜病，只係一直keep住檢查，過多五年又會穩定啲。」至於婚期方面，芷晴笑說：「睇番男仔喇，都未求婚，希望自己都可以睇定婚紗。」記者笑稱黃日華已為嫁女開綠燈，芷晴笑說：「咁順攤？咁就好，唔會擔心，佢哋畀嘅自由度都好大。」
採訪：羅慧敏
攝影：葉君海