新聞類別
娛樂
詳情#
【蘋果日報】郭富城（城城）噚日以明星大使身份喺澳門出席「第三屆澳門國際影展暨頒獎典禮（IFFAM）記者招待會」，下月14號喺澳門文化中心舉行頒獎禮。澳門特別行政區政府旅遊局局長暨IFFAM籌備委員會主席文綺華、澳門影視製作文化協會會長暨IFFAM籌備委員會執行副主席周焯華（洗米華）等亦有出席，洗米華喺台上同城城寒暄咗幾句，有講有笑，心情唔錯，不過事後冇接受訪問。
城城最近忙於喺韓國拍戲，噚日活動後又要飛去韓國繼續開工，城城話：「月中完成拍攝，返嚟香港之後會即刻為世界巡迴演唱會進行綵排，24號首站廣州演出，之後會去肇慶、南京、澳門、武漢等地演出。」
等剃鬚染髮
城城又話：「希望有機會擔任導演崗位，可以拍攝自己想講嘅故事，將自己所認識嘅教畀新人，如果自己成為導演，希望多啲用新人，不過唔知幾時拍到，未必要自己演，可以成就一齣戲就要搵適合嘅角色。自己今年已經拍咗三部戲，係時候要放鬆一下，準備演唱會。」城城話之前三部戲都要留鬚拍攝，今個月拍完後終於可以剃鬚，之後要諗吓演唱會染乜嘢顏色嘅頭髮。
撰文：馮仁昭
城城最近忙於喺韓國拍戲，噚日活動後又要飛去韓國繼續開工，城城話：「月中完成拍攝，返嚟香港之後會即刻為世界巡迴演唱會進行綵排，24號首站廣州演出，之後會去肇慶、南京、澳門、武漢等地演出。」
等剃鬚染髮
城城又話：「希望有機會擔任導演崗位，可以拍攝自己想講嘅故事，將自己所認識嘅教畀新人，如果自己成為導演，希望多啲用新人，不過唔知幾時拍到，未必要自己演，可以成就一齣戲就要搵適合嘅角色。自己今年已經拍咗三部戲，係時候要放鬆一下，準備演唱會。」城城話之前三部戲都要留鬚拍攝，今個月拍完後終於可以剃鬚，之後要諗吓演唱會染乜嘢顏色嘅頭髮。
撰文：馮仁昭
回應 (0)
