鄺文珣拍劇　家人有微言

【蘋果日報】鄺文珣婚後息影，近日為興趣拍港台劇集《獅子山下2018》，日前她在深水埗的後巷開工，拍攝拖着囝囝經過參加平等分享行動，文珣拍攝時與小演員有傾有講，玩到好投入，又母愛氾濫將小朋友擁入懷。
本報曾致電問拍攝趣事，文珣說：「嗰日好趕吓，深水埗好多人，有人圍觀易NG，大家一齊拍好開心，會趁食飯、轉景爭取時間去買嘢，可能演員都係媽咪級，我哋拉大隊去附近同小朋友買底衫同買襪。」對於要拋低老公及三名子女開工，文珣說：「囝囝成日問我拍到幾時，佢哋有微言，佢哋幫手湊妹妹有啲混亂，我唔敢想像屋企情況，但呢次經驗，對我同佢哋嚟講都好，等佢哋學吓湊仔，畀機會學成長。」
採訪、攝影：陳辰